ନୂଆଦିଲ୍ଲୀ: ବିହାରରେ ନିକଟରେ ଏକ ମାମଲା ସାମ୍ନାକୁ ଆସିଥିଲା ଯେଉଁଠାରେ ଆଧାର ନମ୍ବର ନ ଥିବାରୁ ଜଣେ ବ୍ୟକ୍ତିଙ୍କ ରାସନ କାର୍ଡ ବାତିଲ କରାଯାଇଥିଲା। ଏହି ମାମଲା ପରେ ସରକାର ରାସନ କାର୍ଡକୁ ଆଧାର କାର୍ଡ ସହିତ ସଂଯୋଗ କରିବାର ତାରିଖ ବଢାଇ ଦେଇଛନ୍ତି। ବର୍ତ୍ତମାନ 30 ସେପ୍ଟେମ୍ବର ସୁଦ୍ଧା ରାସନ କାର୍ଡ ଆଧାର ସହିତ ଲିଙ୍କ୍ ହୋଇପାରିବ ।
ଆଧାର ଲିଙ୍କ ସହ ରାସନ କାର୍ଡକୁ ଯୋଡିବା ଅବଧି ସେପ୍ଟେମ୍ବର 30କୁ ବୃଦ୍ଧି ମନ୍ତ୍ରଣାଳୟ କହିଛି ଯେ, ଖାଦ୍ୟ ଏବଂ ସାର୍ବଜନିକ ବିତରଣ ବଣ୍ଟନ ବିଭାଗ ଦ୍ବାରା ଫେବୃଆରୀ 7 ତାରିଖ 2017 ରେ ଜାରି କରାଯାଇଥିବା ବିଜ୍ଞପ୍ତି ଅନୁଯାୟୀ, ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ଆଧାରରୁ ସମସ୍ତ ହିତାଧିକାରୀଙ୍କ ରାସନ କାର୍ଡ ସହିତ ଯୋଡିବାର ତାରିଖ 30 ସେପ୍ଟେମ୍ବର 2020 ପର୍ଯ୍ୟନ୍ତ ବୃଦ୍ଧି କରାଯାଇଛି।
ବିଭାଗ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକୁ ନିର୍ଦ୍ଦେଶ ଦେଇଛି ଯେ, ସେପ୍ଟେମ୍ବର 30 ପୂର୍ବରୁ କାହାକୁ କୌଣସି ରାସନ ଦେବାକୁ ପ୍ରତ୍ୟାଖ୍ୟାନ କରାଯିବା ଉଚିତ ନୁହେଁ କିମ୍ବା ସେମାନଙ୍କ ରାସନ କାର୍ଡ ବାତିଲ କରାଯିବା ଉଚିତ ନୁହେଁ । ବିଭାଗ ପକ୍ଷରୁ କୁହାଯାଇଛି ଯେ, ହିତାଧିକାରୀଙ୍କ ବାୟୋମେଟ୍ରିକ୍ କିମ୍ବା ଆଧାର ପରିଚୟ ଅଭାବରୁ ଏନଏଫଏସଏ ( NFSA) ଅଧୀନରେ କାହାରିକୁ ରାସନରୁ ବଞ୍ଚିତ କରାଯିବା ଉଚିତ୍ ନୁହେଁ।
ଖାଦ୍ୟ ବିଭାଗ କହିଛି ଯେ, କେନ୍ଦ୍ର ଏବଂ ରାଜ୍ୟ ସରକାରଙ୍କ ଉଦ୍ୟମ ଦ୍ୱାରା 23.5 କୋଟି ରାସନ କାର୍ଡର ପ୍ରାୟ 90 ପ୍ରତିଶତ ଆଧାର ନମ୍ବର ସହିତ ସଂଯୁକ୍ତ ହୋଇସାରିଛି। ଏଥି ସହିତ, ପିଡିଏସ (PDS)ର ପ୍ରାୟ 80 କୋଟି ହିତାଧିକାରୀଙ୍କ ମଧ୍ୟରୁ 85 ପ୍ରତିଶତ ଲୋକଙ୍କର ଆଧାର ନମ୍ବର ନିଜ ନିଜ ରାସନ କାର୍ଡ ସହିତ ସଂଯୁକ୍ତ ହୋଇଛି ।
