କୃଷି ବିଲ୍ ସପକ୍ଷରେ ନୀତିଶ କୁମାର

କୃଷି ବିଲ୍ ବିରୋଧରେ ବିରୋଧ ପ୍ରଦର୍ଶନ ଜାରି ରହିଛି। ବର୍ତ୍ତମାନ ନୀତିଶ କୁମାରଙ୍କ ଦଳ ଜନତା ଦଳ ୟୁନାଇଟେଡ (ଜେଡିୟୁ) କୃଷି ବିଲକୁ ସମର୍ଥନ କରିଛି।

ପାଟନା: କୃଷି ବିଲ୍ ବିରୋଧରେ ବିରୋଧ ପ୍ରଦର୍ଶନ ଜାରି ରହିଛି। ଭାରତୀୟ ଜନତା ପାର୍ଟିର ପୁରୁଣା ସହଯୋଗୀ ଅକାଳୀ ଦଳ ଏହି ପ୍ରସଙ୍ଗରେ ବିରୋଧ କରି ଆସୁଛନ୍ତି । ବର୍ତ୍ତମାନ ନୀତିଶ କୁମାରଙ୍କ ଦଳ ଜନତା ଦଳ ୟୁନାଇଟେଡ (ଜେଡିୟୁ) କୃଷି ବିଲକୁ ସମର୍ଥନ କରିଛି। ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାମ୍ନାରେ ନୀତିଶ କୁମାର ମଧ୍ୟ କୃଷି ବିଲ୍ ସପକ୍ଷରେ ନିଜର ମତ ପ୍ରକାଶ କରିଛନ୍ତି।

ରବିବାର ରାଜ୍ୟସଭାରେ ଘଟିଥିବା ହଙ୍ଗାମାକୁ ଭୁଲ ବୋଲି ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି। ଏହି ବିଲ୍ କୃଷକଙ୍କ ହିତ ପାଇଁ । ନୀତିଶ କୁମାର କହିଛନ୍ତି, ‘ବିହାରରେ ଏପିଏମସି ଆକ୍ଟ ହଟାଇବାବେଳେ ବିହାର ବିଧାନସଭାରେ ବହୁତ ଗଣ୍ଡଗୋଳ ହୋଇଥିଲା। ବିରୋଧୀ ଦଳ ଗୃହ ଛାଡି ପଳାଇ ଯାଇଥିଲେ, କିନ୍ତୁ ଆମେ ଆଇନ ଆଣିଥିଲୁ। ବର୍ତ୍ତମାନ ଏହି ଆଇନ ଦେଶ ସ୍ତରରେ ପ୍ରସ୍ତୁତ କରାଯାଉଛି ’ ।