ନୂଆଦିଲ୍ଲୀ: କୋରୋନା କାରଣରୁ ଭାରତର ଅର୍ଥନୀତି ଉପରେ ସଙ୍କଟରେ ଦେଖାଦେଇଛି। କେନ୍ଦ୍ର ମନ୍ତ୍ରୀ ନିତିନ ଗଡକରୀ କହିଛନ୍ତି ଯେ କୋରୋନା ଦ୍ବାରା ପ୍ରଭାବିତ ଅର୍ଥନୀତିକୁ ବୃଦ୍ଧି କରିବା ପାଇଁ ବଜାରରେ ଅଧିକ ନଗଦ ଟଙ୍କା ରଖିବା ଆବଶ୍ୟକ। ଏହା ସହ ସେ କହିଛନ୍ତି ଯେ ରାଜ୍ୟ ସରକାର 20 ଲକ୍ଷ କୋଟି ଟଙ୍କା ପ୍ରଦାନ କରିବା ଉଚିତ ଓ ଅନ୍ୟ 10 ଲକ୍ଷ କୋଟି ଟଙ୍କା ସରକାରୀ-ବେସରକାରୀ ଭାଗିଦାରୀ ବିନିଯୋଗରୁ ଆସିପାରିବ।
ସଡକ ପରିବହନ, ରାଜପଥ ଓ ମାଇକ୍ରୋ ମଧ୍ୟମ-କ୍ଷୁଦ୍ର ଶିଳ୍ପ ଉଦ୍ୟୋଗ ମନ୍ତ୍ରୀ କହିଛନ୍ତି ଯେ କେନ୍ଦ୍ର ସରକାରଙ୍କ ଦ୍ବାରା ଘୋଷଣା କରାଯାଇଥିବା 20 ଲକ୍ଷ କୋଟି ପ୍ୟାକେଜ ସହ 50 ଲକ୍ଷ କୋଟି ଟଙ୍କା ବଜାରକୁ ଆସିବ । ଅର୍ଥନୀତି ଉପରେ କୋଭିଡ-19 ଦ୍ବାରା ହୋଇଥିବା ପ୍ରତିକୂଳ ପ୍ରଭାବକୁ ମୁକାବିଲା କରିବାରେ ଏହା ସହାୟକ ହେବ ବୋଲି କେନ୍ଦ୍ର ମନ୍ତ୍ରୀ କହିଛନ୍ତି।