ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ମାମଲାର ଦୋଷୀଙ୍କ ପାଇଁ ନୂଆ ଡେଥ୍ ଓ୍ବାରଣ୍ଟ ଜାରି କରାଯାଇଛି। ପଟିଆଲା ହାଉସ କୋର୍ଟ ଏବେ ଫେବୃଆରୀ 1 ତାରିଖ ସକାଳ 6 ଟାରେ ଫାଶୀ ଦେବାକୁ ଆଦେଶ ଦେଇଛନ୍ତି। ହେଲେ ପୁଣି ଥରେ ଫାଶୀ ତାରିଖ ଘୁଞ୍ଚିବା ନେଇ ଅନୁମାନ କରାଯାଉଛି।
ଦୋଷୀଙ୍କୁ ଅତି ଶୀଘ୍ର ଫାଶୀ ଦେବା ଲାଗି ଯାଚିକା ଦାଏର କରିଥିବା ଓକିଲ ଅଲଖ ଆଲୋକ ଶ୍ରୀବାସ୍ତବ କହିଛନ୍ତି ଯେ, ଯଦି 4ଜଣଙ୍କ ମଧ୍ୟରୁ କୌଣସି ଜଣେ ଦୋଷୀଙ୍କ ଦୟା ଯାଚିକା ଦୀର୍ଘ ଦିନ ପାଇଁ କୋର୍ଟରେ ପଡି ରହିଥାଏ, କାହାକୁ ଫାଶୀ ଦିଆଯାଇ ପାରିବ ନାହିଁ। ଏବେ 3 ଜଣ ଦୋଷୀଙ୍କ ପାଖରେ ଦୟା ଯାଚିକା ଦାଏର କରିବାର ବିକଳ୍ପ ରହିଛି।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ