କାଠମାଣ୍ଡୁ: କୋରୋନା ଆତଙ୍କକୁ ନଜରରେ ରଖି ନେପାଳ ସତର୍କତାମୂଳକ ପଦକ୍ଷେପ ଗ୍ରହଣ କରିଛି । ଚୀନ ବାହାରେ ଦ୍ରୁତ ଗତି କୋରୋନା ଆକ୍ରାନ୍ତ, ସଂକ୍ରମିତଙ୍କ ରିପୋର୍ଟ ବଢିବାରେ ଲାଗିଛି । ଗୁରୁବାର ଚୀନ ବିଶ୍ବର ସର୍ବୋଚ୍ଚ ଗିରି ଶୃଙ୍ଗ ଏଭରେଷ୍ଟ ଆରୋହଣ ଉପରେ ପ୍ରତିବନ୍ଧକ ଘୋଷଣା କରିଛି । ବର୍ତ୍ତମାନ ଶୁକ୍ରବାର ନେପାଳ ମଧ୍ୟ ଏଭରେଷ୍ଟ ପର୍ବତ ଉପରକୁ ଆରୋହଣ ଉପରେ କଟକଣା ଜାରି କରିଛି ।
ନେପାଳ ସଂସ୍କୃତି ପର୍ଯ୍ୟଟନ ଏବଂ ବେସାମରିକ ବିମାନ ଚଳାଚଳ ମନ୍ତ୍ରୀ ଯୋଗେଶ ଭଟ୍ଟରାଇ କହିଛନ୍ତି ଯେ, ନେପାଳ ସମସ୍ତ ପର୍ବତ ଚଢିବା ପାଇଁ ବାରଣ କରିଛି। ଏଥି ସହିତ ନେପାଳ ସରକାର ମଧ୍ୟ ପର୍ଯ୍ୟଟନ ଭିସା ପ୍ରଦାନ ଉପରେ ପ୍ରତିବନ୍ଧକ ଲଗାଇଛନ୍ତି । କୋରୋନା ସ୍ଥିତି ସୁଧୁରିଲେ ଏହା ଉପରୁ କଟକଣା ହଟାଇ ଦିଆଯିବ ।