ପାକିସ୍ତାନ ପ୍ରଧାନମନ୍ତ୍ରୀଙ୍କ ପ୍ରଶଂସାରେ ସିଦ୍ଧୁ

ଶନିବାର କରତାରପୁର କରିଡର ଉଦଘାଟନରେ ସାମିଲ ହୋଇଥିଲେ ନବଜୋତ ସିଂହ ସିଦ୍ଧୁ । ପାକିସ୍ତାନରେ ପହଞ୍ଚି ଇମରାନ ଖାନଙ୍କୁ ପ୍ରଶଂସାରେ ପୋତିଲେ ସିଦ୍ଧୁ ।

ନୂଆଦିଲ୍ଲୀ: କଂଗ୍ରେସ ମନ୍ତ୍ରୀ ନବଜୋତ ସିଂହ ସିଦ୍ଧୁ ଶନିବାର କରତାରପୁର କରିଡର ଉଦଘାଟନରେ ପାକିସ୍ତାନ ଯାଇଥିଲେ । ସେଠାରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନଙ୍କ ବେଶ୍ ପ୍ରଶଂସା କରିଥିଲେ ସିଦ୍ଧୁ । ନିଜ ଭାଷଣର ଆରମ୍ଭରେ ସାଏରୀ କହି ଇମରାନଙ୍କ ତାରିଫ ଓ ବିରୋଧୀଙ୍କୁ ଟାର୍ଗେଟ କରିଥିଲେ ।

କେବଳ ଏତିକି ନୁହେଁ ଗତବର୍ଷ ପାକିସ୍ତାନ ସେନା ମୁଖ୍ୟଙ୍କୁ ଆଲିଙ୍ଗନ କରିଥିବା ପ୍ରସଙ୍ଗ ମଧ୍ୟ ଉଠାଇ କହିଥିଲେ ‘ମୁଁ ଥରେ ନୁହେଁ ଶହେ ଥର ଆଲିଙ୍ଗନ କରିବି ଓ ମୁଁ ଆଲିଙ୍ଗନ କରିବା କାରଣରୁ ହିଁ କରତାରପୁର କରିଡର ରାସ୍ତା ଖୋଲିଥିଲା ।’ ବିଶ୍ବର 14 କୋଟି ଶିଖ୍ ଇମରାନ ଖାନଙ୍କୁ ଆର୍ଶିବାଦ କରିବେ ବୋଲି କହିଛନ୍ତି ସିଦ୍ଧୁ ।

ସିଦ୍ଧୁ ପାକିସ୍ତାନୀ ଷ୍ଟେଜ ଉପରେ ପାଦ ରଖିବାବେଳେ ‘ଜୋ ବୋଲେ ସୋ ନିହାଲ’ର ନାରା ଶୁଣିବାକୁ ମିଳିଥିଲା । ଅନ୍ୟପକ୍ଷେ ଇମରାନଙ୍କ ଭଳି ସାଙ୍ଗ ନଥିବା କହିଥିଲେ ସିଦ୍ଧୁ ।