‘ପେନସନ’ରୁ ‘ମହାକାଶ’ ଦାୟିତ୍ବରେ ମୋଦି

ନୂଆ ସରକାରର ଶପଥ ଗ୍ରହଣ ପରେ ଶୁକ୍ରବାର ମନ୍ତ୍ରିମଣ୍ଡଳକୁ ଦାୟିତ୍ବ ବାଣ୍ଟିଛନ୍ତି ପ୍ରଧାନମନ୍ତ୍ରୀ ମୋଦି । କିଛି ଗୁରୁତ୍ବପୂର୍ଣ୍ଣ ବିଭାଗ ନିଜ ପାଖରେ ମଧ୍ୟ ରଖିଛନ୍ତି ସେ ।

ନୂଆଦିଲ୍ଲୀ: ନୂଆ ସରକାରର ଶପଥ ଗ୍ରହଣ ପରେ ଶୁକ୍ରବାର ମନ୍ତ୍ରିମଣ୍ଡଳକୁ ଦାୟିତ୍ବ ବାଣ୍ଟିଛନ୍ତି ପ୍ରଧାନମନ୍ତ୍ରୀ ମୋଦି । ସେ ଅମିତ ଶାହାଙ୍କୁ ଗୃହ ମନ୍ତ୍ରାଳୟ ଏବଂ ରାଜନାଥ ସିଂହଙ୍କୁ ପ୍ରତିରକ୍ଷା ମନ୍ତ୍ରାଳୟର ଦାୟିତ୍ବ ଦେଇଛନ୍ତି । ସେହିପରି ସ୍ମୃତି ଇରାନୀଙ୍କୁ ମହିଳା ଶିଶୁ ବିକାଶ ଏବଂ ବୟନ ଶିଳ୍ପର ଦାୟିତ୍ବ ଦିଆଯାଇଛି । ରାଷ୍ଟ୍ରପତି ଭବନର ପ୍ରବକ୍ତା ଏନେଇ ସୂଚନା ଦେଇଛନ୍ତି ।

ତେବେ ନରେନ୍ଦ୍ର ମୋଦି ମଧ୍ୟ କିଛି ଗୁରୁତ୍ବପୂର୍ଣ୍ଣ ମନ୍ତ୍ରାଳୟ ନିଜ ପାଖରେ ରଖିଛନ୍ତି । ପ୍ରଧାନମନ୍ତ୍ରୀ କାର୍ଯ୍ୟାଳୟ, କର୍ମଚାରୀ, ସାଧାରଣ ଅଭିଯୋଗ, ପେନସନ, ଆଣବିକ ଶକ୍ତି ବିଭାଗ, ମହାକାଶ ବିଭାଗ ତଥା ସମସ୍ତ ଗୁରୁତ୍ୱପୂର୍ଣ୍ଣ ନୀତି ନିର୍ଦ୍ଧାରଣ ଏବଂ କୌଣସି ମନ୍ତ୍ରୀଙ୍କୁ ଦିଆ ଯାଇ ନ ଥିବା ବିଭାଗ ନିଜ ପାଖରେ ରଖିଛନ୍ତି ମୋଦି ।