ନୂଆଦିଲ୍ଲୀ: ସବୁଠୁ ମହଙ୍ଗା ନିର୍ବାଚନ ସାବ୍ୟସ୍ତ ହୋଇଛି ଲୋକସଭା ନିର୍ବାଚନ 2019 । ଇତିହାସରେ ପ୍ରଥମ ଥର ପାଇଁ ଏହି ସଂସଦୀୟ ନିର୍ବାଚନରେ ଖର୍ଚ୍ଚ ହୋଇଛି ବିପୁଳ ମାତ୍ରାରେ ଟଙ୍କା । 7 ପର୍ଯ୍ୟାୟ ଏବଂ 75 ଦିନ ଧରି ଚାଲିଥିବା ଏହି ନିର୍ବାଚନରେ ସର୍ବମୋଟ 60 ହଜାର କୋଟି ଟଙ୍କା ଖର୍ଚ୍ଚ ହୋଇଥିବା ଏକ ଅଧ୍ୟୟନରୁ ଜଣାପଡିଛି । ଥିଙ୍କ ଟ୍ୟାଙ୍କ ସେଣ୍ଟର ଫର ମିଡିଆ ଷ୍ଟଡି ଏହି ଅଧ୍ୟୟନ କରିଛି ।
ଭାଙ୍ଗିଲା ରେକର୍ଡ, ସବୁଠୁ ମହଙ୍ଗା ସାବ୍ୟସ୍ତ ହେଲା ସପ୍ତଦଶ ଲୋକସଭା ନିର୍ବାଚନ
7 ପର୍ଯ୍ୟାୟ ଏବଂ 75 ଦିନ ଧରି ଅନୁଷ୍ଠିତ ହୋଇଥିବା ସପ୍ତଦସ ନିର୍ବାଚନରେ ସର୍ବମୋଟ 60 ହଜାର କୋଟି ଟଙ୍କା ଖର୍ଚ୍ଚ ହୋଇଥିବା ଏକ ଅଧ୍ୟୟନରୁ ଜଣାପଡିଛି ।
ଫାଇଲ ଫଟୋ
ତେବେ ଏହି ନିର୍ବାଚନରେ ଜଣେ ଭୋଟର ପ୍ରତି ପାଖାପାଖି 700 ଟଙ୍କା ଖର୍ଚ୍ଚ କରାଯାଇଛି । ଏହା ବ୍ୟତୀତ ପ୍ରତି ଲୋକସଭା କ୍ଷେତ୍ରରେ 100 କୋଟି ଟଙ୍କା ଖର୍ଚ୍ଚ ହୋଇଥିବା ଏହି ଆକଳନରୁ ଜଣାପଡିଛି ।
ତେବେ 2014 ଲୋକସଭା ନିର୍ବାଚନରେ 30 କୋଟି ଖର୍ଚ୍ଚ ହୋଇଥିବା ବେଳେ ଏଥର ଏହା 2 ଗୁଣ ବଢିଛି । ତେବେ ଏହା ସହିତ ସବୁଠୁ ବ୍ୟୟବହୁଳ ନିର୍ବାଚନ ସାବ୍ୟସ୍ତ ହୋଇଛି ଲୋକସଭା ନିର୍ବାଚନ-2019 ।