ନୂଆଦିଲ୍ଲୀ ଦେଶର 12 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର 60 ପ୍ରତିଶତ ମହିଳା ବ୍ୟବହାର କରନ୍ତି ନାହିଁ ଇଣ୍ଟରନେଟ । ଏମାନେ କଦାପି ଇଣ୍ଟରନେଟ ସେବା ବ୍ୟବହାର କରୁନଥିବା ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣର ଏକ ସର୍ଭରେ ଏହା ପ୍ରକାଶ ପାଇଛି ।
ଏହି ସର୍ଭେ ମୁତାବକ, ଏହି ରାଜ୍ୟଗୁଡିକ କିମ୍ବା କେନ୍ଦ୍ରଶାସିତ ଅଞ୍ଚଳରେ ମାତ୍ର 40 ପ୍ରତିଶତ ମହିଳା ଇଣ୍ଟରନେଟର ବ୍ୟବହାର କରିଥାନ୍ତି । ତେବେ ଇଣ୍ଟରନେଟ ବ୍ୟବହାର କରୁଥିବା ରାଜ୍ୟ ମାନଙ୍କ ମଧ୍ୟରେ 38 ପ୍ରତିଶତ ସହିତ ଆଗରେ ରହିଛି ମହାରାଷ୍ଟ୍ର । 20.6 ପ୍ରତିଶତ ସହିତ ପଛରେ ରହିଛି ବିହାର ।
ସେହିପରି ଆସାମରେ ମାତ୍ର 28.2 ମହିଳାମାନେ ଇଣ୍ଟରନେଟର ବ୍ୟବହାର କରନ୍ତି । ଆନ୍ଧ୍ରପ୍ରଦେଶରେ 21, ଗୁଜୁରାଟରେ 30.8, କର୍ଣ୍ଣାଟକରେ 35 , ମେଘାଳୟରେ 34.7 ,ତେଲେଙ୍ଗାନାରେ 26.5, ତ୍ରିପୁରାରେ 22.9 , ପଶ୍ଚିମବଙ୍ଗରେ 25.5 ପ୍ରତିଶତ ମହିଳା ଇଣ୍ଟରନେଟର ବିଷୟରେ ଅବଗତ ହେବା ସହ ଏହାକୁ ବ୍ୟବହାର କରନ୍ତି । କେନ୍ଦ୍ରଶାସିତ ଅଞ୍ଚଳମାନଙ୍କ ମଧ୍ୟରେ ଦାଦ୍ରା ଏବଂ ନଗର ହାବେଳୀ ଓ ଡାମନ ଡିଉରେ 36.7 ଓ ଆଣ୍ଡାମାନ ନିକୋବରରେ 34.8 ପ୍ରତିଶତ ଇଣ୍ଟରନେଟ ୟୁଜର୍ସ ଅଛନ୍ତି ।