ନୂଆଦିଲ୍ଲୀ: ବୁଧବାର ଦକ୍ଷିଣ ପଶ୍ଚିମ ମୌସୁମୀ ରାଜସ୍ଥାନ, ଚଣ୍ଡିଗଡ଼, ଉତ୍ତର ପଞ୍ଜାବର କିଛି ଅଂଶ, ଉତ୍ତରପ୍ରଦେଶ ଏବଂ ପାହାଡି ରାଜ୍ୟର ହିମାଚଳ ପ୍ରଦେଶର ଅଧିକାଂଶ ଅଂଶ, ଉତ୍ତରାଖଣ୍ଡ, ଜମ୍ମୁ କାଶ୍ମୀର, ଲଦାଖ, ଗିଲଗିଟ-ବାଲ୍ଟିସ୍ତାନ ଏବଂ ମୁଜାଫରବାଦରେ ପ୍ରବେଶ କରିଛି । ଏନେଇ ଆଇଏମଡି ଅପରାହ୍ନର ଏକ ବୁଲେଟିନ ଜାରି କରି ସୂଚନା ଦେଇଛି ।
ବିଭାଗ ଅନୁଯାୟୀ, ଉତ୍ତର ପ୍ରଦେଶରେ 'ଅରେଞ୍ଜ' ଆଲର୍ଟ ଜାରି କରାଯାଇଛି । ରାଜ୍ୟ ପାଣିପାଗ ପୂର୍ବାନୁମାନ ଏଜେନ୍ସି ସ୍କାଏମେଟ ପାଣିପାଗର ମହେଶ ପଲାବତ କହିଛନ୍ତି ଯେ, ଗୁରୁବାର ଦିଲ୍ଲୀରେ ମୌସୁମୀ ପ୍ରବେଶ କରିବ । ଏନେଇ ଦିଲ୍ଲୀ ଓ ଏନସିଆର ସମେତ ଅନେକ ସ୍ଥାନରେ ବୁଧବାର କିଛି ମାତ୍ରାରେ ବର୍ଷା ହୋଇଥିବାବେଳେ ଆଗକୁ ପ୍ରବଳ ବର୍ଷା ହେବାର ସୂମ୍ଭାବନା ରହିଛି ।