ମୋଦି 2.0ରେ ପ୍ରଥମ 'ମନ କି ବାତ'

ପୁଣି ଥରେ ମନର କଥା କହିବେ ପ୍ରଧାନମନ୍ତ୍ରୀ । ଜୁନ 30ରେ ପ୍ରସାରଣ ହେବ 'ମୋଦିଙ୍କ ମନ କି ବାତ' କାର୍ଯ୍ୟକ୍ରମ। ପ୍ରଥମ ରବିବାରରେ ଦେଶବାସୀଙ୍କୁ ଜଣାଇବେ କୃତଜ୍ଞତା।

ନୂଆଦିଲ୍ଲୀ: ପୁଣି ଥରେ ଶୁଣିବାକୁ ମିଳିବ ମୋଦିଙ୍କ 'ମନ କି ବାତ' । ତିନି ମାସର ବ୍ୟବଧାନ ପରେ ପୁଣିଥରେ ଆରମ୍ଭ ହେବାକୁ ଯାଉଛି ଏହାର ଦ୍ବିତୀୟ ସଂସ୍କରଣ । ସାଧାରଣ ନିର୍ବାଚନ ପୂର୍ବରୁ ଶେଷ ପ୍ରସାରଣ ପ୍ରସାରିତ ହୋଇଥିବା ବେଳେ ଦ୍ବିତୀୟ କାର୍ଯ୍ୟାଳୟରେ ଜୁନ 30ରେ ଏହାର ପୁନଃର୍ବାର ପ୍ରସାରଣ ଆରମ୍ଭ କରାଯିବ।

ଜୁନ 30ରେ 'ମନ କି ବାତ'ର ଦ୍ବିତୀୟ ସଂସ୍କରଣ ଆରମ୍ଭ ହେବା ନେଇ ନିଜ ଟ୍ବିଟ ମାଧ୍ୟମରେ ଜଣାଇଥିଲା ପ୍ରଧାନମନ୍ତ୍ରୀ । ରବିବାର ସକାଳ 11ରେ ପୁଣି ଥରେ ଆରମ୍ଭ ହୋଇଥିବାରୁ ଧନ୍ୟବାଦ ଦେବା ସହ ସକରାତ୍ମକ ଆଲୋଚନା କରାଯିବା ନେଇ ଦେଶବାସୀଙ୍କ ଜଣାଇଛନ୍ତି । ଏଥିସହ 130 କୋଟି ଭାରତୀୟଙ୍କ ସାମୂହିକ ଶକ୍ତିର ଉତ୍ସାହ ମନାଇବେ ବୋଲି ମୋଦି କହିଛନ୍ତି। ତେବେ ଏନେଇ ଏକ ଟୋଲ ଫ୍ରି ନମ୍ବର ମଧ୍ୟ ଜାରି କରାଯାଇଛି।

ଫଟୋ ସୌଜନ୍ୟ: @narendramodi

24 ଫେବୃୟାରୀରେ 'ମନ କି ବାତ' ର ପ୍ରଥମ ସଂସ୍କରଣର ଶେଷ ପ୍ରସାରଣ ହୋଇଥିଲା। ପୁଲୱାମା ଆକ୍ରମଣରେ ଶହୀଦ ହୋଇଥିବା ଯବାନଙ୍କୁ ଶ୍ରଦ୍ଧାପୂର୍ବକ ଶ୍ରଦ୍ଧାଜ୍ଞଳି ଜ୍ଞାପନ କରିଥିଲେ ମୋଦି । 'ମନ କି ବାତ'ର କାର୍ଯ୍ୟକ୍ରମ ପରେ ଭାରତୀୟ ବାୟୁସେନା ଏୟାଷ୍ଟ୍ରାଇକ କରିଥିଲା ।