ଶ୍ରୀନଗର: ବିଗତ ଶହେ ବର୍ଷର ଗୌରବମୟ ଇତିହାସକୁ ଅଧିକ ଗାରିମାମୟ କରିଛି ଭାରତର ହସ୍ତତନ୍ତ ଏବଂ ହସ୍ତକଳା । ଏହି ହସ୍ତକଳାକୁ ସାରାବିଶ୍ବ ସଲାମ କରେ । ଏହିପରି ଗୋଟିଏ କାହାଣୀ ହେଉଛି କାଶ୍ମୀରର ପୁଲୱାମା ସହରର ଜଣେ 21 ବର୍ଷିୟା ରାନୀ ମିସାକୁନ ନବିଙ୍କର, ଯିଏ ନିଜ କାଲିଗ୍ରାଫି ଆର୍ଟ ମାଧ୍ୟମରେ ତାଙ୍କ ପରିବାରର ପ୍ରତିପୋଷଣ କରି ଆସୁଛନ୍ତି । ବାସ୍ତବରେ, କାଲିଗ୍ରାଫି ହେଉଛି ଏକ ପ୍ରାଚୀନ କଳା ଏବଂ ଏହା ଲେଖା ସହିତ ସଂପୂର୍ଣ୍ଣ ଭାବରେ ଜଡିତ ।
ରାନୀ ମିସାକୁନ ହେଉଛନ୍ତି ବିୟୁଏମସିର ତୃତୀୟ ବର୍ଷର ଛାତ୍ରୀ । ଉତ୍ତରାଧିକାରୀ ଭାବରେ ନିଜ ବାପାଙ୍କ ବ୍ୟବସାୟର ପରିଚାଳନା କରିବା ସହ ନୂତନ ଡିଜାଇନ୍ ଏବଂ ଚିତ୍ର ସହିତ କାଲିଗ୍ରାଫିରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ ରାନୀ ମିସାକୁନ । ସେ ଗଣମାଧ୍ୟମକୁ କହିଛନ୍ତି ଯେ " ମୋ ବାପା କାଲିଗ୍ରାଫି କରୁଥିଲେ ଏବଂ ତାଙ୍କ ପରେ ଲକଡାଉନ୍ ସମୟରେ ମୁଁ ଏହି କଳା ପ୍ରତି ଆଗ୍ରହ ପ୍ରକାଶ କରିଥିଲି । ମୁଁ ଚିତ୍ର ଆଙ୍କିବା ଆରମ୍ଭ କଲି ଏବଂ ଲୋକମାନେ ଏହାକୁ ପସନ୍ଦ କରିବାକୁ ମଧ୍ୟ ଲାଗିଲେ । ମୁଁ ଚାହେଁ ନାହିଁ ଯେ ଏହି କଳା ମରିଯାଉ । ତେଣୁ ମୁଁ ଏହାକୁ ଅନୁସରଣ କରିବାକୁ ସ୍ଥିର କଲି" ।