ଲକ୍ଷ୍ନୌ: ଉତ୍ତର ପୂର୍ବ ଭାରତରେ ପ୍ରବଳ ବର୍ଷା କାରଣରୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । କେବଳ ଜନଜୀବନ ନୁହେଁ, ଯାତାୟତ ମଧ୍ୟ ପ୍ରଭାବିତ ହୋଇଛି । ପ୍ରବଳ ବର୍ଷା କାରଣରୁ ଉତ୍ତର ପ୍ରଦେଶର ମୁଗଲ ସରାଇ, ଚନ୍ଦୌଲି ଅଞ୍ଚଳ ମଧ୍ୟ ବ୍ୟାପକ ଭାବେ ପ୍ରଭାବିତ ହୋଇଛି ।
ଉତ୍ତର ପ୍ରଦେଶର ପଣ୍ଡିତ ଦିନଦୟାଲ ଜଙ୍କସନରେ ଏକାଧିକ ଟ୍ରେନ ପଡ଼ିରହିଥିବା ବେଳେ ଅନ୍ୟ କିଛି ଟ୍ରେନ ବିଭିନ୍ନ ସ୍ଥାନରେ ଅଟକି ରହିଛି । ସେହିଭଳି ବିହାରରେ ମଧ୍ୟ ପ୍ରବଳ ବର୍ଷା କାରଣରୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଯାତାୟତ ଓ ଟ୍ରେନ ଚଳାଚଳ ପ୍ରଭାବିତ ହୋଇଛି । ବିହାରରେ ମଧ୍ୟ ପ୍ରବଳ ବର୍ଷା କାରଣରୁ ରୁଟ ରିଲେ ଇଣ୍ଟରଲକିଂ ବା ଆରଆରଆଇ ଅଚଳ ହୋଇ ପଡ଼ିଛି ।
ଇଣ୍ଟରଲକିଂ ଅଚଳ ହେବା କାରଣରୁ ବିଭିନ୍ନ ସ୍ଥାନରେ ଟ୍ରେନ ଗୁଡ଼ିକ ପଡ଼ିରହିଛି । ବିହାର ଦେଇ ଅନେକ ଟ୍ରେନ ଚଳାଚଳ କରିପାରୁନାହିଁ । ଯାତ୍ରୀମାନେ ନାନା ସମସ୍ୟାର ସମ୍ମୁଖିନ ହେଉଥିବା ଜଣାପଡ଼ିଛି । ସେପଟେ ପ୍ରବଳ ବର୍ଷା କାରଣରୁ ବିହାର ବିଭିନ୍ନ ସ୍ଥାନରେ ରେଳ ଧାରଣା ଉପରେ ପାଣି ଜମି ରହିଛି । ପଣ୍ଡିତ ଦିନ ଦୟାଲ ଉପାଧ୍ୟାୟ ଜଙ୍କସନ(ପିଡିଡିୟୁ) ରେ ପାଟନା ରୁଟରେ ଟ୍ରେନ ଚଳାଚଳ ପ୍ରଭାବିତ ହୋଇଛି ।
ସେହିଭଳି ପିଡିଡିୟୁ ସହିତ ଏକାଧିକ ସ୍ଥାନରେ ମଧ୍ୟ ଟ୍ରେନ ଚଳାଚଳ ବ୍ୟାଘାତ ହୋଇଛି । ସେହିଭଳି ପାଟନା ହେଇ ଯାଉଥିବା ଟ୍ରେନ ଗୁଡ଼ିକର ଗତିପଥରେ ମଧ୍ୟ ପରିବର୍ତ୍ତନ କରାଯାଇଛି । ଝାନ୍ସି-କୋଲକାତା ଏକ୍ସପ୍ରେସ, ବାରଣାସୀ-ସିଆଲଦାହ ଏକ୍ସପ୍ରେସ ଏବଂ ବ୍ରହ୍ମପୁତ୍ର ଏକ୍ସପ୍ରେସର ଗତିପଥରେ ପରିବର୍ତ୍ତନ କରାଯାଇଛି ।
ସେହିଭଳି ଜନଶତାବ୍ଦି ଏବଂ ଜୟନଗର ଗରିବରଥ ଏକ୍ସପ୍ରେସ ପିଡିଡିୟୁ ଜଙ୍କସନରେ ଅଟକି ରହିଛି । ମଗଧ ଏକ୍ସପ୍ରେସ ଜୀବନାଥପୁର ଷ୍ଟେସନରେ ଅଟକି ଥିବା ବେଳେ ଲୋକମାନ୍ୟ ତିଲକ ଏକ୍ସପ୍ରେସ ଅହରୌରା ଷ୍ଟେସନରେ ଅଟକି ରହିଥିବା ଜଣାପଡ଼ିଛି ।
