ସଂସଦକୁ ସାଇକେଲରେ ଗଲେ ସାଂସଦ

2-2 ଥର ସାଂସଦ ରହିବା ପରେ ବି ସାଇକେଲ ଚଲାଇବା ଭୁଲିନାହାନ୍ତି କେନ୍ଦ୍ରମନ୍ତ୍ରୀ ତଥା ବିଜେପି ସାଂସଦ ମନସୁଖ ମାଣ୍ଡଭିଆ । ଗତ 5 ବର୍ଷ ଭଳି ଏବେ ବି ସେ ସାଇକେଲରେ ସଂସଦ ଯାଉଥିବା ନଜର ଆସିଛନ୍ତି ।

ନୂଆଦିଲ୍ଲୀ: ବଡ ବଡ ଦାମୀ କାର ନୁହେଁ । ବରଂ ସାଇକେଲରେ ସଂସଦ ଆସିଲେ କେନ୍ଦ୍ରମନ୍ତ୍ରୀ ତଥା ବିଜେପି ସାଂସଦ ମନସୁଖ ମାଣ୍ଡଭିଆ । ଏଭଳି ଏକ ଭିଡିଓ ଯୋଗୁଁ ଚର୍ଚ୍ଚାରେ ମାଣ୍ଡଭିଆ ।

ଜଣେ ସାଂସଦଙ୍କ ଏପରି ବ୍ୟବହାର ସମସ୍ତଙ୍କୁ ଆଚମ୍ବିତ କରି ରଖିଛି । ଆଜିକା ସମୟରେ ହେଉଥିବାଥିବା ପରିବେଶ ଓ ବାୟୁ ପ୍ରଦୂଷଣକୁ ରୋକିବା ଲାଗି ତାଙ୍କ ଏପରି ପ୍ରୟାସ ପ୍ରଂଶସନୀୟ । ଯଦିଓ କାର ପାଇଁ ତାଙ୍କ ପାଖରେ ଯଥେଷ୍ଟ ସମ୍ବଳ ରହିଛି ହେଲେ ଏପରି ସାଇକେଲରେ ସଂସଦ ଯିବା ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛି।

ସେ ପୂର୍ବରୁ ମଧ୍ୟ ଏପରି ସାଇକେଲରେ ଶପଥ ନେବା ପାଇଁ ରାଷ୍ଟ୍ରପତି ଭବନ ଯାଇ ଟ୍ରେଡରେ ରହିଥିଲେ। ତେବେ ଏ ନେଇ ସେ ସ୍ପଷ୍ଟ କରିଥିଲେ ଯେ, ଏହା ମୁଁ ଚର୍ଚ୍ଚା ପାଇଁ ନୁହେଁ ବରଂ ମୁଁ ଏଥିରେ ଆନନ୍ଦ ଅନୁଭବ କରେ ଏଥିଲାଗି କରେ । ତାଙ୍କୁ ବାଇସାଇକେଲ ମ୍ୟାନ ଭାବେ ମଧ୍ୟ ଜଣାଯାଏ । ନୂଆ ସରକାରଙ୍କ ଅଧିନରେ ସେ ସାର ଓ ରସାୟନିକ ମନ୍ତ୍ରୀ ଭାବେ ଦାୟିତ୍ବ ତୁଲାଉଛନ୍ତି ।