ଇମ୍ଫାଲ: ‘ଆଇରନ ମ୍ୟାନ’ ରୋବର୍ଟ ନିର୍ମାଣ କଲେ ମଣିପୁର ଯୁବକ । ହଲିଉଡ ଫିଲ୍ମ ସୁପରହିରୋ ଦ୍ୱାରା ପ୍ରେରିତ ହୋଇ ମଣିପୁରର ଜଣେ 20 ବର୍ଷର ଯୁବକ ଇଲେକ୍ଟ୍ରୋନିକ୍ ବର୍ଜ୍ୟବସ୍ତୁରୁ ମାର୍ଭେଲର ଆଇକନିକ୍ ଚରିତ୍ର ‘ଆଇରନ୍ ମ୍ୟାନ୍’ ରୋବର୍ଟ ନିର୍ମାଣ କରିଛନ୍ତି ।
ମଣିପୁର ଥୋବାଲ ଜିଲ୍ଲାର ହୈରୋକ୍ ପାର୍ଟ-୨ ଗାଁର ନିଙ୍ଗମ୍ବମ ପ୍ରେମ କହିଛନ୍ତି ଯେ, ସେ ରେଡିଓ ଏବଂ ଟେଲିଭିଜନରୁ ଇଲେକ୍ଟ୍ରୋନିକ୍ ବର୍ଜ୍ୟବସ୍ତୁ ସଂଗ୍ରହ କରି ସେଥିରେ ବ୍ୟବହାର କରିଛନ୍ତି ।
ମୁଁ ମୋ ପିଲାଦିନରୁ ସବୁବେଳେ ଏକ ରୋବଟ୍ ତିଆରି କରିବାକୁ ଚାହୁଁଥିଲି। କିନ୍ତୁ ଆଇରନ୍ ମ୍ୟାନ୍ ପୋଷାକ ପାଇଁ ପ୍ରାୟ 2015ରୁ କ୍ରେଜ୍ ଆରମ୍ଭ ହୋଇଥିଲା। ଏହି ରୋବୋଟ୍ ତିଆରି କରିବାର ଗୋଟିଏ କାରଣ ହେଉଛି ମଣିପୁରୀ ଚଳଚ୍ଚିତ୍ରରେ ମୁଁ ଏହି ବୈଜ୍ଞାନିକ ପ୍ରଭାବ ଯୋଡିବାକୁ ଚାହୁଁଛି । କାରଣ ଅଧିକାଂଶ ମଣିପୁର ଫିଲ୍ମ ରୋମାଣ୍ଟିକ କାହାଣୀ ଆଧାରିତ ବୋଲି ପ୍ରେମ କହିଛନ୍ତି ।
ପ୍ରେମ ପ୍ରଥମେ ଡିସକାର୍ଡେଡ ଲ୍ୟାମ୍ପ ବ୍ୟବହାର କରି ଆଇରନ୍ ମ୍ୟାନ୍ ବାହୁରେ ଫିଟ୍ ହେବା ପାଇଁ ରୋବଟ ବାହୁର ଏକ ଡେମୋ ମଡେଲ୍ ନିର୍ମାଣ କରିଥିଲେ । ଏହି ଅସ୍ତ୍ରଶସ୍ତ୍ର ଗୁଡ଼ିକ ମଧ୍ୟରୁ ଅଧିକାଂଶ ମୋଟରରୁ ନିର୍ମିତ ହୋଇଥିବାବେଳେ ଶରୀରର ଅଧିକାଂଶ ଅଂଶ କାର୍ଡବୋର୍ଡରେ ତିଆରି ।