ଅଣ୍ଡା ବଦଳରେ ମିଳିଲା ଗୁଳି

ନିଜ ବନ୍ଧୁମାନଙ୍କ ସହ ଅଣ୍ଡା ଖାଇବା ଯୋଗୁଁ ଜଣେ ୧୭ ବର୍ଷିୟ ଯୁବକଙ୍କୁ ଗୁଳି ମାଡ଼ କରାଯାଇଛି । ଏଭଳି ଏକ ଅଭାବନୀୟ ଘଟଣା ଘଟିଛି ଉତ୍ତର-ପୂର୍ବ ଦିଲ୍ଲୀର ଜ୍ୟୋତି ନଗର ଅଞ୍ଚଳରେ ।

ନୂଆଦିଲ୍ଲୀ: ଅଳଙ୍କାର ଦୋକାନ ସାମ୍ନାରେ ଅଣ୍ଡା ଖାଇବା ପଡିଲା ମହଙ୍ଗା । ନିଜ ବନ୍ଧୁମାନଙ୍କ ସହ ଅଣ୍ଡା ଖାଇବା ଯୋଗୁଁ ଜଣେ ୧୭ ବର୍ଷିୟ ଯୁବକଙ୍କୁ ଗୁଳି ମାଡ଼ କରାଯାଇଛି । ଏଭଳି ଏକ ଅଭାବନୀୟ ଘଟଣା ଘଟିଛି ଉତ୍ତର-ପୂର୍ବ ଦିଲ୍ଲୀର ଜ୍ୟୋତି ନଗର ଅଞ୍ଚଳରେ ।

ସୂଚନା ଅନୁଯାୟୀ, ଆହତ ଯୁବକ ନିଜ ବନ୍ଧୁମାନଙ୍କ ସହ ମିଶି ଉମେଶ ବର୍ମାଙ୍କ ଦୋକାନ ସାମ୍ନାରେ ଅଣ୍ଡା ଖାଉଥିଲା । ଦୋକାନ ମାଲିକ ଉମେଶ ମନିଷ ଏବଂ ତାଙ୍କ ବନ୍ଧୁମାନଙ୍କୁ ଏପରି କରିବାକୁ ପ୍ରଥମେ ମନା କରିଥିଲେ । ତେବେ ସେମାନେ ନ ଶୁଣିବାରୁ ଉମେଶ କିଛି ଲୋକଙ୍କୁ ସେଠାକୁ ଡାକିଥିଲେ । ସେମାନେ ସେଠାରେ ପହଞ୍ଚି ମନିଷଙ୍କ ଉପରକୁ ଗୁଳି ଚଳାଇଥିଲେ । ଘଟଣାଟି ଶୁକ୍ରବାର ଘଟିଥିବା ପୋଲିସ ପକ୍ଷରୁ ସୂଚନା ମିଳିଛି ।

ଆହତ ମନୀଷଙ୍କୁ ଗୁରୁ ତେଜ ବାହାଦୂର ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ତା’ର ସ୍ବାସ୍ଥ୍ୟାବସ୍ଥା ସ୍ଥିର ଅଛି । ଅନ୍ୟପକ୍ଷରେ ପୋଲିସ ଏହି ଘଟଣାରେ ଏକ ମାମଲା ରୁଜୁ କରି ଅଭିଯୁକ୍ତ ବର୍ମାଙ୍କୁ ଗିରଫ କରିଥିବା ଜଣାପଡିଛି ।