ଝାଡଖଣ୍ଡ ଯାଉଥିବା ଶ୍ରମିକ ବସ୍ ଦୁର୍ଘଟଣା, ଡ୍ରାଇଭର ସମେତ 4 ମୃତ

ମହାରାଷ୍ଟ୍ରର ୟାଭାଟମାଲରେ ସଡକ ଦୁର୍ଘଟଣା । ଏଠାରେ ଶ୍ରମିକ ଭର୍ତ୍ତି ଏକ ବସ ଦୁର୍ଘଟଣାଗ୍ରସ୍ତ ହୋଇଛି ।

ମୁମ୍ବାଇ: ଚତୁର୍ଥ ପର୍ଯ୍ୟାୟର ଲକଡାଉନର ଆଜି ହେଉଛି ଦ୍ବିତୀୟ ଦିନ ଓ ଶ୍ରମିକମାନଙ୍କ ସ୍ଥାନାନ୍ତର ମଧ୍ୟ ଜାରି ରହିଛି । ଏଥି ସହିତ ଶ୍ରମିକମାନଙ୍କ ସହ ଘଟୁଥିବା ଦୁର୍ଘଟଣାର କ୍ରମ ମଧ୍ୟ ଜାରି ରହିଛି। ମହାରାଷ୍ଟ୍ରର ୟାଭାଟମାଲରେ ସଡକ ଦୁର୍ଘଟଣା । ଏଠାରେ ଶ୍ରମିକ ଭର୍ତ୍ତି ଏକ ବସ ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ ଡ୍ରାଇଭର ସମେତ 4 ଜଣଙ୍କର ମୃତ୍ୟୁ ହୋଇଥିବାବେଳେ 15 ଜଣ ଆହତ ହୋଇଛନ୍ତି।

ପ୍ରକାଶଥାଉକି, ବସ୍ ସୋଲାପୁରରୁ ଝାଡଖଣ୍ଡ ଅଭିମୁଖେ ଯାଉଥିଲା। ୟାଭାଟମାଲର ଆରାଣୀ ତହସିଲରେ ରାଜ୍ୟ ପରିବହନ ବସ୍ ଦୁର୍ଘଟଣାଗ୍ରସ୍ତ ହୋଇଛି। ବସ୍ ପଛରୁ ଡମ୍ପର ଧକ୍କା ଦେଇଥିଲା। ତେବେ ସମସ୍ତ ଆହତଙ୍କୁ ସ୍ଥାନୀୟ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।

ଏହାପୂର୍ବରୁ ଉତ୍ତରପ୍ରଦେଶର ମହୋବା ଜିଲ୍ଲାର ପ୍ରବାସୀ ଶ୍ରମିକଙ୍କୁ ନେଇ ଯାଉଥିବା ଏକ ଟ୍ରକ ସୋମବାର ବିଳମ୍ବିତ ରାତିରେ ଦୁର୍ଘଟଣାର ଶିକାର ହୋଇଥିଲା । ଏଥିରେ 3ଜଣ ମହିଳାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ପ୍ରାୟ 2ଜଣ କର୍ମଚାରୀ ଆହତ ହୋଇଥିଲେ।