ବାଘ ଖୁଆଡକୁ ଡେଇଁଲେ ଯୁବକ

ବାଘ ଖୁଆଡକୁ ଡେଇଁଲେ ଯୁବକ । ବାଘ ମୁହଁରୁ ରକ୍ଷା କଲେ ଗାର୍ଡ । ମହାରାଷ୍ଟ୍ରରେ ଘଟିିଛି ଏହି ଘଟଣା । ଅଧିକ ପଢନ୍ତୁ...

ମୁମ୍ବାଇ: ବାଘ ଖୁଆଡକୁ ଡେଇଁଲେ ଯୁବକ । ମହାରାଷ୍ଟ୍ରର ଔରଙ୍ଗାବାଦ ପ୍ରାଣୀ ଉଦ୍ୟାନରେ ଘଟିଛି ଏଭଳି ଏକ ଘଟଣା । ଜଣେ ମାନସିକ ଅନଗ୍ରସର ବ୍ୟକ୍ତି ଟାଇଗର ଏନକ୍ଲୋଜରକୁ ଡେଇଁପଡିଥିଲେ । କିନ୍ତୁ ଠିକ ସମୟରେ ଗାର୍ଡ ତାଙ୍କୁ ଉଦ୍ଧାର କରିଥିଲେ ବୋଲି ଜଣେ ଅଧିକାରୀ କହିଛନ୍ତି ।

ସିଦ୍ଧାର୍ଥ ପ୍ରାଣୀ ଉଦ୍ୟାନର ପଛ ପାର୍ଶ୍ୱରେ ଥିବା କମ୍ପାଉଣ୍ଡ କାନ୍ଥରୁ ଡେଇଁପଡି ଟାଇଗର ଏନକ୍ଲୋଜରରେ ପହଞ୍ଚିଥିଲେ ଏହି ଯୁବକ। ଅଧିକାରୀ ଜଣକ କହିଛନ୍ତି ଯେ କମ୍ପାଉଣ୍ଡରେ ଲାଗିଥିବା କାଚ ଖଣ୍ଡ ଭାଙ୍ଗି ଏନକ୍ଲୋଜରକୁ ସେ ଡେଇଁପଡିଛନ୍ତି ।

ଏହି ଘଟଣା ମଙ୍ଗଳବାର ସକାଳେ ଘଟିଥିବା ଜଣାପଡିଛି । ପ୍ରଥମେ ଯୁବକଙ୍କୁ ଏନକ୍ଲୋଜରର ସର୍ଭିସ ଏରିଆରେ ଦେଖିଥିଲୁ ଯାହା ପରେ ପ୍ରାଣୀ ଉଦ୍ୟାନର କର୍ମଚାରୀମାନେ ତାଙ୍କୁ ଉଦ୍ଧାର କରି ପୋଲିସକୁ ହସ୍ତାନ୍ତର କରିଥିଲେ। ଅଧିକାରୀ କହିଛନ୍ତି ଯେ, ଆମେ ଯଥାଶୀଘ୍ର ଭାଙ୍ଗିଥିବା କାଚ ମରାମତି କରିବାର ବ୍ୟବସ୍ଥା କରୁଛୁ।