ଲକ୍ଷ୍ନୌ: ଆଉ କିଛି ଘଣ୍ଟା ପରେ ହେବ ଲୋକସଭା ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ ମତଦାନ । ତେବେ ନିର୍ବାଚନକୁ ସୁରୁଖୁରୁରେ ପରିଚାଳନା କରୁଛନ୍ତି ସମସ୍ତ ଜିଲ୍ଲା ପ୍ରଶାସନ । ରାଜରାସ୍ତାରୁ ଆରମ୍ଭ କରି ଗାଁ ଗାଁ ରେ ସୁରକ୍ଷା ବ୍ୟବସ୍ଥା କଡାକଡ଼ି କରାଯାଇଛି । ଇତିମଧ୍ୟରେ ଉତ୍ତର ପ୍ରଦେଶର ଲକ୍ଷ୍ନୌରେ ଏସଟିଏଫକୁ ମିଳିଛି ବଡ ସଫଳତା । ବିପୁଳ ପରିମାଣରେ ବେଆଇନ ଅସ୍ତ୍ରଶସ୍ତ୍ର ଜବତ କରିବା ସହ 2 ଜଣଙ୍କୁ ଗିରଫ କରିଛି ପୋଲିସ ।
ନିର୍ବାଚନ ବେଳେ ଲକ୍ଷ୍ମୌରୁ ଜବତ ହେଲା ବିପୁଳ ବନ୍ଧୁକ - Lucknow
ଉତ୍ତର ପ୍ରଦେଶର ଲକ୍ଷ୍ନୌରେ ଏସଟିଏଫକୁ ମିଳିଛି ବଡ ସଫଳତା । ବିପୁଳ ପରିମାଣରେ ବେଆଇନ ବନ୍ଧୁକ ଜବତ କରିବା ସହ 2 ଜଣଙ୍କୁ ଗିରଫ କରିଛି ପୋଲିସ ।
ଫଟୋ ସୌଜନ୍ୟ: ANI
ସୂଚନା ଅନୁସାରେ ଲକ୍ଷ୍ନୌରେ 2ଜଣଙ୍କ ଠାରୁ ୟୁପି ଏସଟିଏଫ୍ ବିପୁଳ ପରିମାଣରେ ବନ୍ଧୁକ, ମୋବାଇଲ ସିମ ଏବଂ ନଗଦ ଟଙ୍କା ଜବତ କରିଛି । ଗିରଫ ଅଭିଯୁକ୍ତଙ୍କ କହିବା କଥା ହେଲା ସେମାନେ ଏକ ଗ୍ୟାଙ୍ଗର ସଦସ୍ୟ ଏବଂ ଉକ୍ତ ବନ୍ଧୁକକୁ ତାଙ୍କ ସାଥିଙ୍କୁ ବାଣ୍ଟିବାକୁ ଯାଉଥିଲେ । ପୋଲିସ ସେମାନଙ୍କୁ ଗିରଫ କରି ତଦନ୍ତ ଜାରି ରଖିଛି ।