ଲକ୍ଷ୍ନୌ: ଉତ୍ତରପ୍ରଦେଶର ଫତେହପୁର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି । ଲଜ୍ଜାରୁ ବର୍ତ୍ତିବା ପାଇଁ ଜଣେ ନାବାଳିକା ଆତ୍ମହତ୍ୟା କରିଥିବା ବେଳେ ଅନ୍ୟ ଜଣେ ଘଟଣାସ୍ଥଳରୁ ଫେରାର ହୋଇଯାଇଛି । ଏ ଘଟଣା ସମ୍ବେଦନଶୀଳ ଥିବାରୁ ସ୍ଥାନୀୟ ଅଞ୍ଚଳରେ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ପୋଲିସ ମୁତୟନ ହୋଇଥିବା ଜଣାପଡ଼ିଛି।
ଉତ୍ତରପ୍ରଦେଶର ଫତେହପୁର ଜିଲ୍ଲା ଗାଜୀପୁର ଥାନା ଅଞ୍ଚଳରେ ଏକ ଗ୍ରାମରେ ଅସଂଯତ ଅବସ୍ଥାରେ ଏକ ପ୍ରେମୀଯୁଗଳଙ୍କୁ ଗ୍ରାମବାସୀ ଧରିନେଇଥିଲେ । ଘରେ କେହି ନଥିବା ବେଳେ ଆତ୍ମହତ୍ୟା କରିଥିବା ନାବାଳିକା ତା’ର ଘରେ ନିଜର ପ୍ରେମିକଙ୍କ ସହିତ ଅସଂଯତ ଅବସ୍ଥାରେ ରହିଥିଲା । ନାବାଳିକା ଓ ତାର ପ୍ରେମିକ ଦୁଇଟି ସମ୍ପ୍ରଦାୟର ବୋଲି ଜଣାପଡ଼ିଛି।