ରାଷ୍ଟ୍ରପତିଙ୍କୁ ବିଜୟୀ ସାଂସଦଙ୍କ ତାଲିକା ଦେଲେ ସିଇସି

ଲୋକସଭା ନିର୍ବାଚନରେ ବିଜୟୀ ପ୍ରାର୍ଥୀମାନଙ୍କ ନାମ ତାଲିକାକୁ ମୁଖ୍ୟ ନିର୍ବାଚନ କମିଶନର ସୁନିଲ ଆରୋରା ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ପ୍ରଦାନ କରିଛନ୍ତି ।

ନୂଆଦିଲ୍ଲୀ: ସରିଛି ନିର୍ବାଚନ । ଫଳାଫଳ ବାହାରିବା ସହ ସରକାର ଗଢିବା ପାଇଁ ପ୍ରସ୍ତୁତ ହେଉଛନ୍ତି ବିଜୟୀ ପ୍ରାର୍ଥୀ । ତେବେ ଆଜି(ଶନିବାର) ବିଜୟୀ ପ୍ରାର୍ଥୀଙ୍କ ତାଲିକା ମୂଖ୍ୟ ନିର୍ବାଚନ କମିଶନର ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଦେଇଛନ୍ତି ।

ଦେଶର ଗଣତାନ୍ତ୍ରିକ ପ୍ରକ୍ରିୟାର ଫଳାଫଳ ରାଷ୍ଟ୍ରପତିଙ୍କୁ ହସ୍ତାନ୍ତର କରିବାର ବିଧି ରହିଛି । ମୁଖ୍ୟ ନିର୍ବାଚନ କମିଶନର ରାଷ୍ଟ୍ରପତିଙ୍କ ପ୍ରତିନିଧି ରୂପେ ନିର୍ବାଚନ ପରିଚାଳନା କରିଥାନ୍ତି ।