ନୂଆଦିଲ୍ଲୀ: କୋରୋନା ମହାମାରୀକୁ ନେଇ ଦେଶରେ ଗତ 3 ମାସ ଧରି ଲକଡାଉନ ଲାଗି ରହିଥିଲା । ଏହି ଲକଡାଉନ ସମୟରେ ବହୁ ଅପରାଧ ମାମଲା ଯେପରି ମହିଳାଙ୍କ ପ୍ରତି ଘରୋଇ ହିଂସା, ଚୋରି, ଲୁଟ୍ ଏବଂ ଦୁଷ୍କର୍ମ ଭଳି ବିଭିନ୍ନ ବୃଦ୍ଧି ପାଇଥିବା ଜଣାପଡିଛି । ଏହିପରି ଦିଲ୍ଲୀର ଗାଜିଆବାଦରେ ଘରୋଇ ହିଂସା କାରଣରୁ ଜଣେ ମହିଳା ଆତ୍ମହତ୍ୟା କରିଥିବା ଖବର ସାମ୍ନାକୁ ଆସିଛି । ତେବେ ମହିଳା ଜଣଙ୍କ ଆତ୍ମହତ୍ୟା କରିବା ପୂର୍ବରୁ ଏକ ଲାଇଭ ଭିଡିଓ କରିଥିଲେ । ଯାହା ଏବେ ସୋସିଆଲ ମିଡିଆରେ ଘୁରି ବୁଲୁଛି ।
ଆତ୍ମହତ୍ୟା ପୂର୍ବରୁ ଲାଇଭ ଭିଡିଓ ଜାରି କଲେ ମହିଳା
ସୂଚନା ଅନୁଯାୟୀ, ଚାନ୍ଦିନୀ ନାମକ ଏହି ମହିଳା ଜଣଙ୍କ ତାଙ୍କ ଆତ୍ମହତ୍ୟା ପୂର୍ବରୁ ଏକ ଭିଡିଓ କରିଥିଲେ । ଯେଉଁଥିରେ ତାଙ୍କ ଶ୍ବଶୁର ଘର ଲୋକ ତାଙ୍କୁ ହଇରାଣ କରୁଥିବା ସେ କାନ୍ଦି କାନ୍ଦି ଅଭିଯୋଗ କରିଥିଲେ। ଏଥିସହ ତାଙ୍କ ଶାଶୁଘର ଲୋକ ତାଙ୍କୁ ମାଡ ମାରିବା ସହ ଶାରୀରିକ ଏବଂ ମାନସିକ ଯନ୍ତ୍ରଣା ଦେଉଥିବା ମଧ୍ୟ ସେ କହୁଥିବା ଦେଖିବାକୁ ମିଳିଛି ।