ଲକ୍ଷ୍ନୌ: ୟୁପିର ମୁରଦାବାଦ ଜିଲ୍ଲାର ଠାକୁରଦ୍ବାରା ଥାନା ଅଧିନରେ ଶନିବାର ସକାଳେ ଏକ କଲରାପତରିଆ ବାଘ ଆକ୍ରମଣରେ ଜଣେ ମହିଳା ଓ ତାଙ୍କ ପୁଅ ଆହତ ହୋଇଛନ୍ତି । ତେବେ ଆହତମାନଙ୍କ ପାଟି ଶୁଣି ସ୍ଥାନୀୟ ଲୋକେ ସେଠାରେ ପହଞ୍ଚିଥିଲେ । ଏହାପରେ ଏକ ଠେଙ୍ଗା ସାହାଯ୍ୟରେ ବାଘକୁ ମାରି ଦରମରା କରି ଏକ ରଶିରେ ବାନ୍ଧି ଦେଇଥିଲେ । ଏହାପରେ ବନ ବିଭାଗକୁ ସୂଚନା ଦେଇଥିଲେ । ଘଟଣାସ୍ଥଳରେ ବନବିଭାଗ ପହଞ୍ଚି ବାଘକୁ ଉଦ୍ଧାର କରିଥିଲା ।
ଏପଟେ ଆହତ ମହିଳା ଜଣକ ଓ ତାଙ୍କ ପୁଅଙ୍କ ଚିକିତ୍ସା ବରେଲି ଡାକ୍ତରଖାନାରେ କରାଯାଉଛି ।