ନୂଆଦିଲ୍ଲୀ: ଭାରତ ପାଳୁଛି 73 ତମ ସ୍ବାଧୀନତା ଦିବସ । ଏନେଇ ଉତ୍ସବ ମୁଖର ପୁରା ଦେଶ । ତେବେ ଅଞ୍ଚଳ ଲଦାଖ ପାଇଁ ଏହି ଦିବସ ବେଶ ମହତ୍ତ୍ବପୂର୍ଣ୍ଣ ଅଟେ । ଜମ୍ମୁ କଶ୍ମୀରରୁ ଅନୁଚ୍ଛେଦ 370 ହଟିବା ପରେ ଏହାକୁ ଏକ ସ୍ବତନ୍ତ୍ର କେନ୍ଦ୍ର ଶାସିତ ଅଞ୍ଚଳ ଭାବେ ଘୋଷଣା କରିଛନ୍ତି କେନ୍ଦ୍ର ସରକାର । ଅନ୍ୟପଟେ ପ୍ରଥମ ସ୍ବାଧୀନତା ଦିବସ ପାଳୁଛନ୍ତି ଲଦାଖବାସୀ ।
ଏହି ଅବସରରେ ଲଦାଖ ସାଂସଦ ଜାମୟାଙ୍ଗ ସେରିଙ୍ଗ ନାମଗ୍ୟାଲ ଲୋକଙ୍କ ସହ ନାଚି ଏହି ଉତ୍ସବ ମନାଉଛନ୍ତି । ଯାହାକୁ ନେଇ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଲେହ ବିମାନ ବନ୍ଦର ବାହାରେ ସାଂସଦ ଲୋକଙ୍କ ସହ ନାଚୁଥିବାର ନଜର ଆସୁଛନ୍ତି । ସେ ନିଜ ଟ୍ବିଟର ଆକାଉଣ୍ଟରେ ମଧ୍ୟ କିଛି ଫଟୋ ସେୟାର କରିଛନ୍ତି। 73ତମ ସ୍ବାଧିନତା ଅବସରରେ ସ୍ଥାନୀୟ ସାଂସଦ ସ୍ବାଧୀନତା ସଂଗ୍ରାମୀ ଏବଂ ସହିଦଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।