କୋଲକାତା: କୋରୋନା କବଳରେ କବଳିତ ବିଶ୍ବ । ଏହାର ଭୟାବହତାକୁ ଦୃଷ୍ଟିରେ ରଖି ସମସ୍ତ ଦେଶ ଯାଥାସମ୍ଭବ ପ୍ରତିଷେଧକ ବ୍ୟବସ୍ଥା ଗ୍ରହଣ କରୁଛନ୍ତି । ଏପଟେ ମହାମାରୀ ପାଇଁ ସମସ୍ତ ପୂଜାପର୍ବାଣ ମଧ୍ୟ ଠପ୍ ହୋଇଯାଇଛି ।
ଆଗକୁ ଦୂର୍ଗା ପୂଜା ଥିବା ହେତୁ ମୂର୍ତ୍ତି କାରିଗର ମଧ୍ୟ ହତାଶ ହୋଇଛନ୍ତି । ଏହା ମଧ୍ୟରେ ଉତ୍ତର କୋଲକାତାର ଜଣେ ମୂର୍ତ୍ତି କାରିଗର ଦେବୀ ଦୂର୍ଗାଙ୍କ ଫାଇବରରେ ନିର୍ମିତ ପ୍ରତିମାକୁ ଅଷ୍ଟ୍ରେଲିଆ ପଠାଇଛନ୍ତି । ତେବେ ସେ ବୁଧବାର ମେଲବୋର୍ଣ୍ଣକୁ ଫାଇବର ଗ୍ଲାସ୍ ନିର୍ମିତ ପ୍ରତିମା ପଠାଇବା ପରେ ଆଉ ଏକ ମୂର୍ତ୍ତି ଜର୍ମାନୀ ପଠାଇବାରେ ବ୍ୟସ୍ତ ଅଛନ୍ତି । ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ସେ ଅଷ୍ଟ୍ରେଲିଆକୁ ମୂର୍ତ୍ତି ପଠାଯିବା ପୂର୍ବରୁ ଫାଇବର ଗ୍ଲାସରେ ପ୍ରସ୍ତୁତ ସେହି ପ୍ରତିମାକୁ ସାନିଟାଇଜ କରାଇଥିବା କହିଛନ୍ତି ।