ନୂଆଦିଲ୍ଲୀ: କୋଝିକୋଡ୍ ବିମାନବନ୍ଦରରେ ହୋଇଥିବା ଦୁର୍ଘଟଣାକୁ ଏଡ଼ାଇ ଦିଆଯାଇ ପାରିଥାନ୍ତା। ଯଦି ବିଶେଷଜ୍ଞଙ୍କ ପରାମର୍ଶ ମାନି କର୍ତ୍ତୃପକ୍ଷ ଆବଶ୍ୟକ ପଦକ୍ଷେପ ଗ୍ରହଣ କରିଥାନ୍ତେ, ତେବେ ହୁଏତ ଦୁର୍ଘଟଣା ଘଟିନଥାନ୍ତା। ଏହି ଦୁର୍ଘଟଣାରେ ଦୁଇ ପାଇଲଟଙ୍କ ସମେତ 18 ଜଣଙ୍କର ମୃତ୍ୟୁ ଘଟିଛି। ମାଙ୍ଗାଲୋରରେ 2010 ଏୟାର ଇଣ୍ଡିଆ ଏକ୍ସପ୍ରେସ ଦୁର୍ଘଟଣାରେ 160 ଜଣଙ୍କର ମୃତ୍ୟୁ ଘଟିବା ପରେ ସୁରକ୍ଷା ଚିନ୍ତା ପ୍ରଥମେ ଉଠିଥିଲା। ଜଣେ ପ୍ରଖ୍ୟାତ ବିଶେଷଜ୍ଞ ଏନେଇ ପୂର୍ବରୁ ସତର୍କ କରାଇଥିଲେ। ଏକ ବଡ଼ ଖାଲ ନିକଟରେ ଥିବା ଏହି ରନ୍ୱେ ଅତି ବିପଦ ବୋଲି 10 ବର୍ଷ ପୂର୍ବେ ସେ କହିଥିଲେ। ବୋଇଙ୍ଗ୍ ୭୩୭ ବିମାନ ଶୁକ୍ରବାର ଦିନ ୨ ଥର ରନ୍ୱେ ୧୦ରେ ଲ୍ୟାଣ୍ଡ୍ କରିବାକୁ ଉଦ୍ୟମ କରିଥିଲା। ଶେଷରେ ଏହା କ୍ରାସ୍ ଲ୍ୟାଣ୍ଡ୍ କରିଥିଲା। ବିମାନଟି ଲ୍ୟାଣ୍ଡ୍ କରିବା ପରେ ମଧ୍ୟ ରନ୍ୱେ ଶେଷ ପର୍ଯ୍ୟନ୍ତ ଯାଇ ଖାଲକୁ ଖସି ଦୁଇ ଖଣ୍ଡ ହୋଇଯାଇଥିଲା।
କୋଝିକୋଡ ରନ୍ୱେ-୧୦ ଅସୁରକ୍ଷିତ: 10 ବର୍ଷ ପୂର୍ବେ ସତର୍କ କରାଇଥିଲେ ବିଶେଷଜ୍ଞ - officials warned 10 years ago
କୋଝିକୋଡ୍ ବିମାନବନ୍ଦରରେ ହୋଇଥିବା ଦୁର୍ଘଟଣାକୁ ଏଡ଼ାଇ ଦିଆଯାଇ ପାରିଥାନ୍ତା। ଯଦି ବିଶେଷଜ୍ଞଙ୍କ ପରାମର୍ଶ ମାନି କର୍ତ୍ତୃପକ୍ଷ ଆବଶ୍ୟକ ପଦକ୍ଷେପ ଗ୍ରହଣ କରିଥାନ୍ତେ । ଏକ ବଡ଼ ଖାଲ ନିକଟରେ ଥିବା ଏହି ରନ୍ୱେ ଅତି ବିପଦଜନକ ବୋଲି 10 ବର୍ଷ ପୂର୍ବେ ଜଣେ ପ୍ରଖ୍ୟାତ ବିଶେଷଜ୍ଞ ପୂର୍ବରୁ ସତର୍କ କରାଇଥିଲେ । ଅଧିକ ପଢନ୍ତୁ...
କୋଝିକୋଡ ରନ୍ୱେ-୧୦ ଅସୁରକ୍ଷିତ: 10 ବର୍ଷ ପୂର୍ବେ ସତର୍କ କରାଇଥିଲେ ବିଶେଷଜ୍ଞ
କୋଝିକୋଡ୍ ବିମାନ ବନ୍ଦରରେ ଏକ ଟେବଲ୍ଟପ୍ ରନ୍ୱେ ଅଛି। ବିମାନବନ୍ଦରଟି ଏକ ପର୍ବତ ଉପରେ ଅବସ୍ଥିତ। ତେବେ ବିମାନ ବନ୍ଦର ରନ୍ୱେର ଲମ୍ବ ଏବଂ ବିଭିନ୍ନ ସୁରକ୍ଷା ପ୍ରସଙ୍ଗ ପାଇଁ ଅନେକ ଅନ୍ତର୍ଜାତୀୟ ବିମାନ ଏହି ବମାନବନ୍ଦରକୁ ବଡ଼ ବିମାନ ଉଡ଼ାଣ କରିବା ବନ୍ଦ କରିଦେଇଛନ୍ତି। ତେବେ ବାୟୁ ସୁରକ୍ଷା ବିଶେଷଜ୍ଞ କ୍ୟାପଟେନ୍ ମୋହନ ରଙ୍ଗନାଥନ କହିଛନ୍ତି, 10 ବର୍ଷ ପୂର୍ବେ ସେ ଏକ ରିପୋର୍ଟ୍ ମାଧ୍ୟମରେ ଜଣାଇଥିଲେ ଯେ, କୋଝିକୋଡ୍ ବିମାନବନ୍ଦର ଲ୍ୟାଣ୍ଡିଂ ପାଇଁ ଆଦୌ ସୁରକ୍ଷିତ ନୁହେଁ। କେରଳର ୪ଟି ବିମାନ ବନ୍ଦର ମଧ୍ୟରୁ କୋଝିକୋଡ୍ ବିମାନବନ୍ଦର ସବୁଠୁ କ୍ଷୁଦ୍ର। ପୂର୍ବରୁ ପ୍ରବଳ ବର୍ଷା ଯୋଗୁଁ ଏହି ବିମାନବନ୍ଦରର ରନ୍ୱେ ବ୍ୟାପକ ଭାବେ ନଷ୍ଟ ହୋଇ ଯାଇଥିଲା ଏବଂ ରନ୍ୱେଟି ଗଡ଼ାଣିଆ। କିନ୍ତୁ ଏହାକୁ ସୁରକ୍ଷିତ ଦର୍ଶାଇ ବିମାନ ପରିଚାଳନା ଚାଲିଥିଲା ବୋଲି କ୍ୟାପଟେନ୍ ରଙ୍ଗନାଥନ କହିଛନ୍ତି। ରଙ୍କନାଥନଙ୍କ କହିବା ଅନୁଯାୟୀ ଏହା ଆଦୌ ଦୁର୍ଘଟଣା ନୁହେଁ, ବରଂ ଏହାକୁ ହତ୍ୟା କୁହାଯିବ। ରନ୍ୱେ ନିକଟରେ ଏକ ବଡ଼ ଗର୍ତ୍ତ ଥିଲା। ଏହା ଅତି ଗଡ଼ାଣିଆ ସ୍ଥାନ। କିନ୍ତୁ ଅନ୍ଧ ଭାବେ ଏଠାରେ ବିମାନ ସେବା ପ୍ରଦାନ କରାଯାଉଥିଲା ବୋଲି ସେ କହିଛନ୍ତି।
ଶୁକ୍ରବାର ଦିନ ଏୟାର ଇଣ୍ଡିଆ ଏକ୍ସପ୍ରେସ ବିମାନ ଦୁର୍ଘଟଣା 2010 ବିମାନ ଦୁର୍ଘଟଣାର ସ୍ମୃତିକୁ ପୁଣି ତାଜା କରିଛି, ଯାହା ମାଙ୍ଗାଲୋରର ଟେବୁଲ ଟପ୍ ବିମାନବନ୍ଦରରେ ରନୱେକୁ ଲ୍ୟାଣ୍ଡିଂ କରିବା ପରେ ଘଟିଥିଲା । ଭାରତରେ ତିନୋଟି ଟାବଲେଟ ବିମାନବନ୍ଦର ଅଛି ଯେଉଁଠାରୁ ନିର୍ଦ୍ଧାରିତ ବିମାନ ଚଳାଚଳ କରେ। ଏଗୁଡ଼ିକ ହେଉଛି ମାଙ୍ଗାଲୋର, କୋଝିକୋଡ୍ ଏବଂ ଲେଙ୍ଗପୁଇ । ଅବ୍ୟବହୃତ ଭୂମି ଏବଂ ସ୍ଥାନର ପ୍ରତିବନ୍ଧକ ହେତୁ, ଏହି ଏୟାରଫିଲ୍ଡଗୁଡିକ ଉଡ଼ାଣ କାର୍ଯ୍ୟ କରିବା ସମୟରେ ଅତିରିକ୍ତ କୌଶଳ ଏବଂ ସତର୍କତା ଆବଶ୍ୟକ କରନ୍ତି । ଅଣ୍ଡରସୁଟିଂ ଏବଂ ଓଭରସୁଟିଂର ବିପଦ, ବିଶେଷ ଭାବରେ, ଦୁର୍ଘଟଣାରେ ଗୁରୁତର ପରିସ୍ଥିତି ସୃଷ୍ଟି କରିପାରେ ।