ହାଇଦ୍ରାବାଦ: ଜାମ୍ମୁକାଶ୍ମୀରର ବହୁଚର୍ଚ୍ଚିତ କାଠୁଆ ଗଣଦୁଷ୍କର୍ମ ଓ ହତ୍ୟା ମାମଲାରେ 6 ଅଭିଯୁକ୍ତ ଦୋଷୀ ସାବ୍ୟସ୍ତ କରିଛନ୍ତି ପଠାନକୋଟର ଏକ ଅଦାଲତ । ଏ ଘଟଣାରେ ଜଡିତ ଥିବା ମୋଟ 7 ଜଣ ଅଭିଯୁକ୍ତଙ୍କ ମଧ୍ୟରୁ 6 ଜଣଙ୍କୁ ଦୋଷୀସାବ୍ୟସ୍ତ କରାଯାଇଛି । ସେମାନେ ହେଉଛନ୍ତି ଗାଁ ମୁଖିଆ ସାଞ୍ଜି ରାମ, ଦୁଇ ପୋଲିସ ଏସପିଓ ଦୀପକ ଖଜୁରିୟା ଏବଂ ସୁରେନ୍ଦ୍ର ବର୍ମା, ହେଡ କନେଷ୍ଟବଳ ତିଲକ ରାଜ, ଆନନ୍ଦ ଦତ୍ତ ଏବଂ ପରବେଶ କୁମାର ।
ଏହି ଦୁଷ୍କର୍ମ ମାମଲାରେ ମୁଖିଆ ସାଞ୍ଜି ରାମଙ୍କ ପୁଅ ବିଶାଲକୁ ଅଦାଲତ ଦୋଷମୁକ୍ତ କରିଛନ୍ତି । ଗତବର୍ଷ ଜାନୁଆରୀ 10 ତାରିଖରେ ଏକ ମୁସଲିମ ଜନଜାତିର ଜଣେ ଆଠ ବର୍ଷୀୟ ନାବାଳିକାକୁ ଅପହରଣ କରି ନିଆଯିବା ପରେ ଦୁଷ୍କର୍ମ କରାଯାଇଥିବାର ଅଭିଯୋଗ ଉଠିଥିଲା । ଶେଷର ପ୍ରମାଣ ନଷ୍ଟ କରିବାକୁ ଯାଇ ସମ୍ପୃକ୍ତ ନାବାଳିକାକୁ ହତ୍ୟା କରାଯାଇଥିଲା ।