ନୂଆଦିଲ୍ଲୀ: ଜମ୍ମୁ-କାଶ୍ମରୀରେ ଜାରି ରହିଛି ତୁଷାରପାତ । ବରଫ ପାତ ଯୋଗୁଁ ବିଭିନ୍ନ ରାସ୍ତାଘାଟ ବନ୍ଦ ଥିବା ବେଳେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି କାଶ୍ମୀରର ଜଣେ ସ୍କୁଲ ଗାର୍ଲ । ପ୍ରବଳ ତୁଷାର ପାତ ମଧ୍ୟରେ ଅଭିନବ ଢଙ୍ଗର ରିପୋର୍ଟିଂ କରୁଥିବାର ଭିଡିଓ ଏବେ ସୋସିଆଲ ସାଇଟରେ ଭାଇରାଲ ହେବାରେ ଲାଗୁଛି । ଆଉ ଝିଅଟିର ଚେଷ୍ଟା ସମସ୍ତଙ୍କ ନିକଟରେ ପ୍ରଶଂସନୀୟ ହୋଇପାରିଛି ।
ବରଫ ପାତ ମଧ୍ୟରେ ରିପୋର୍ଟିଂ ଚେଷ୍ଟା କରୁଥିବା କାଶ୍ମିରୀ ସ୍କୁଲ ଗାର୍ଲର ଏହି ଭିଡିଓକୁ ପ୍ରଶଂସକ ଟ୍ୱିଟରରେ ସେୟାର କରିବା ସହ ସମସ୍ତଙ୍କ ହୃଦୟ ଜିଣି ପାରିଛି । ସୋପିଆନରେ ରହୁଥିବା ସ୍କୁଲ ଗାର୍ଲ ତୁଷାର ପାତକୁ ନେଇ ଏମିତି କିଛି ଢଙ୍ଗରେ ଉପସ୍ଥାପନା କରିଥିଲେ ଯେଉଁଥିରେ ଲୋକଙ୍କୁ ଖୁସ୍ କରିପାରିଥିଲା । କେବଳ ସେତିକି ନୁହେଁ ପିଲାଟିର ସାହସିକତା ଓ ତାର ଚେଷ୍ଟାରୁ ତାରିଫ କରୁଛନ୍ତି ଲୋକେ ।