କାନପୁର: କାନପୁର ଏନକାଉଣ୍ଟର ଘଟଣା । ମୁଖ୍ୟ ଅଭିଯୁକ୍ତ ବିକାଶ ଦୁବେର ଜଣେ ସହଯୋଗୀକୁ ଗିରଫ କଲା କାନପୁର ପୋଲିସ । ଗିରଫ ଜଣକ ଉତ୍ତରପ୍ରଦେଶର ଆଠ ଜଣ ପୋଲିସକୁ ହତ୍ୟା କରିଥିବା ହତ୍ୟାକାରୀଙ୍କ ମଧ୍ୟରୁ ଜଣେ ।
ଏସଏସପି କାନପୁର ଦୀନେଶ କୁମାରଙ୍କ କହିବାନୁସାରେ, କଲ୍ୟାଣପୁର ଅଞ୍ଚଳରୁ ରାତି ପ୍ରାୟ 4.40 ସମୟରେ ପୋଲିସ ଗିରଫ କରିଛି । ଏହି ସମୟରେ ସେ ଖସିଯିବାକୁ ଚେଷ୍ଟା କରୁଥିବାବେଳେ ପୋଲିସ ଟିମ ତା ଗୋଡକୁ ଗୁଳି ଚଳାଇଥିଲା। ପରେ ତାକୁ ଗିରଫ କରିବାରେ ସଫଳ ହୋଇଥିବା କହିଛନ୍ତି ଏସଏସପି । ତା ନିକଟରୁ ଅସ୍ତ୍ରଶସ୍ତ୍ର ଏବଂ କାର୍ଟ୍ରିଜ ମଧ୍ୟ ଉଦ୍ଧାର କରାଯାଇଛି ।