କମଳେଶ ତିଓ୍ବାରୀ ହତ୍ୟାକାଣ୍ଡ: ଆଉ ଜଣେ ଅଭିଯୁକ୍ତ ଗିରଫ

କମଳେଶ ତିଓ୍ବାରୀ ହତ୍ୟାକାଣ୍ଡରେ ଆଉ ଜଣେ ଅଭିଯୁକ୍ତ ଗିରଫ । ହତ୍ୟାକାରୀଙ୍କୁ ବନ୍ଧୁକ ଯୋଗାଇଥିବା ୟୁସୁଫ ଖାନକୁ କାନପୁରରୁ ଗିରଫ କଲା ଏଟିଏସ ।

ଲକ୍ଷ୍ନୌ: ଉତ୍ତରପ୍ରଦେଶର ବହୁ ଚର୍ଚ୍ଚିତ କମଳେଶ ତିଓ୍ବାରୀ ହତ୍ୟାକାଣ୍ଡରେ ଏଟିଏସକୁ ଆଉ ଏକ ସଫଳତା ମିଳିଛି । ଏଟିଏସ ଟିମ ହିନ୍ଦୁ ସମାଜ ପାର୍ଟିର ଅଧ୍ୟକ୍ଷ କମଳେଶ ତିଓ୍ବାରୀଙ୍କ ହତ୍ୟାକାରୀଙ୍କୁ ବନ୍ଧୁକ ଯୋଗାଇଥିବା ୟୁସୁଫ ଖାନଙ୍କୁ ଗିରଫ କରିଛି । କାନପୁରରୁ ୟୁସୁଫକୁ ଗିରଫ କରାଯାଇଥିବା ନେଇ ଜଣାପଡିଛି ।

ୟୁସୁଫ ଫତେପୁରରେ ରହୁଥିବାବେଳେ ତାଠାରୁ ଦୁଇଟି ମୋବାଇଲ ଫୋନ ଜବତ କରାଯାଇଛି । ୟୁସୁଫ ଖାନକୁ କାନପୁରର ଘଣ୍ଟାଘର ପାଖରୁ ଗିରଫ କରାଯାଇଛି । 18 ଅକ୍ଟୋବର ମୋଇଉଦ୍ଦିନ ଓ ଅଶଫାକ ନମକ ଦୁଇ ଅଭିଯୁକ୍ତ ଲକ୍ଷ୍ନୌରେ ପହଞ୍ଚି କମଳେଶ ତିଓ୍ବାରୀଙ୍କୁ ତାଙ୍କ କାର୍ଯ୍ୟାଳୟରେ ଗଳାକାଟି ହତ୍ୟା କରିଥିଲେ ।