ଓଡିଶାର ପ୍ରଥମ ଲୋକାୟୁକ୍ତ ନିଯୁକ୍ତ; ଜାଣନ୍ତୁ, କିଏ

ଓଡିଶାର ପ୍ରଥମ ଲୋକାୟୁକ୍ତ ଭାବେ ଦାୟିତ୍ବ ନେଲେ ଜଷ୍ଟିସ୍ ଅଜିତ୍ ସିଂହ ।

ଭୁବନେଶ୍ବର: ଓଡିଶାକୁ ମିଳିଲା ପ୍ରଥମ ଲୋକାୟୁକ୍ତ । ରାଜ୍ୟର ପ୍ରଥମ ଲୋକାୟୁକ୍ତ ଭାବେ ଦାୟିତ୍ବ ନେଲେ ଅଜିତ ସିଂହ । ଗୌହାଟୀ ହାଇକୋର୍ଟର ପୂର୍ବତନ ମୁଖ୍ୟ ବିଚାରପତି ଜଷ୍ଟିସ୍‌ ଅଜିତ ସିଂହ ।

ବୁଧବାର ଅପରାହ୍‌ଣରେ ରାଜ୍ୟପାଳଙ୍କୁ ଭେଟିବା ପରେ ଦାୟିତ୍ବ ଗ୍ରହଣ କରିଛନ୍ତି ଅଜିତ ସିଂହ । ଆସନ୍ତା ମାସ ୮ରୁ ବିଧିବଦ୍ଧ ଭାବେ କାର୍ଯ୍ୟ କରିବ ରାଜ୍ୟର ଲୋକାୟୁକ୍ତ ।

ପ୍ରକାଶ ଯେ, ମଙ୍ଗଳବାର ଲୋକାୟୁକ୍ତ ଚୟନ କମିଟି ବୈଠକ ଅନୁଷ୍ଠିତ ହୋଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିରୋଧୀ ଦଳ ନେତା ନରସିଂହ ମିଶ୍ର, ବାଚସ୍ପତି ପ୍ରଦୀପ ଅମାତ ଏବଂ ଓଡିଶା ହାଇକୋର୍ଟ ମୁଖ୍ୟବିଚାରପତି ବୈଠକରେ ସାମିଲ ହୋଇଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ