ଚଣ୍ଡିଗଢ: ପାଖେଇ ଆସିଲାଣି ହରିୟାଣା ବିଧାନସଭା ନିର୍ବାଚନ । ଏନେଇ ଆଞ୍ଚଳିକ ଓ ଜାତୀୟ ରାଜନୈତିକ ଦଳ ଗୁଡିକ ରଣନୀତି ପ୍ରସ୍ତୁତ କରୁଛନ୍ତି। ବର୍ତ୍ତମାନ ହରିୟାଣାରେ ବିଜେପି ଶାସନରେ ଥିବା ବେଳେ ଏହାକୁ ବଜାୟ ରଖିବାକୁ ରଣନୀତି ପ୍ରସ୍ତୁତ କରୁଛି ଦଳ । ତେବେ ଏନେଇ 2 ଦିନିଆ ହରିୟାଣା ଗସ୍ତରେ ବିଜେପିର କାର୍ଯ୍ୟକାରୀ ସଭାପତି ଜେପି ନଡ୍ଡା ।
ସେ ଆଜି (ଜୁଲାଇ 27) ରେ ହରିୟାଣା ଅଭିମୁଖେ ଗସ୍ତ କରିଛନ୍ତି । ନିଜର ଦୁଇ ଦିନିଆ ଗସ୍ତରେ ସେ ଦଳୀୟ କାର୍ଯ୍ୟକର୍ତ୍ତା ଏବଂ ନେତାଙ୍କ ସହ ବୈଠକ କରିବେ । ତେବେ ନଡ୍ଡା ସେମାନଙ୍କୁ ବିଧାନସଭା ନିର୍ବାଚନରେ ସଫଳତା ହାସଲ କରିବା ପାଇଁ ଗୁରୁମନ୍ତ୍ର ଦେବେ ବୋଲି ଜଣା ପଡିଛି।