ଶ୍ରୀନଗ: କୋରୋନା ସହ ଲଢୁଛି ପାକିସ୍ତାନ। ତଥାପି ସୀମାରେ ଅଶାନ୍ତ ପରିସ୍ଥିତି ସୃଷ୍ଟି କରିବା ସହ ଗୁଳିମାଡ କରିବାରେ ପଛାଉ ନାହିଁ । ଗୁରୁବାର ଜାମ୍ମୁ କାଶ୍ମୀରର ପୁଞ୍ଚ ସେକ୍ଟରରେ ପାକିସ୍ତାନ ପଟୁ ଗୁଳିବର୍ଷଣ କରାଯିବା ଦ୍ବାରା ଜଣେ ଭାରତୀୟ ନାଗରିକଙ୍କର ମୃତ୍ୟୁ ଘଟିଛି। ମୃତକଙ୍କ ବୟସ 16 ବର୍ଷ ।
ସୂଚନା ଥାଉକି, ପାକିସ୍ତାନ ଭାରତୀୟ ନାଗରିକଙ୍କୁ ସର୍ବଦା ଟାର୍ଗେଟ କରୁଛି। ଏହି ମାସ ଆରମ୍ଭରେ କୁପୱାରାରେ ଗୁଳି ବିନିମୟରେ ତିନି ଜଣ ସାଧାରଣ ନାଗରିକଙ୍କର ମୃତ୍ୟୁ ହୋଇଥିଲା। ଏହା ପରେ ଭାରତ ପାକିସ୍ତାନକୁ ତାଗିଦ କରି ଏଭଳି କାର୍ଯ୍ୟକଳାପରୁ ନିବୃତ୍ତ ହେବାକୁ ଚେତାବନୀ ଦେଇଥିଲେ ବି ପାକିସ୍ତାନ ସୁଧୁରିବାର ନାଁ ନେଉନି।