ଦୋକାନ ସମ୍ଭାଳୁଛି କୁକୁର

ଜାପାନର ଏକ କୁକୁର ଭରସାରେ ଦୋକାନ। ଆଉ ଏହି ଦୋକାନୀ କୁକୁର ନାଁ ହେଉଛି କେନ-କୁନ। ବର୍ତ୍ତମାନ ଏହି କୁକୁରର ଫଟୋ ସୋସିଆଲ ମିଡିଆରେ ବହୁମାତ୍ରାରେ ଭାଇରାଲ ହେବାରେ ଲାଗିଛି।

ନୂଆଦିଲ୍ଲୀ: ମଣିଷର ସବୁଠାରୁ ବିଶ୍ବାସଭାଜନ ହେଉଛି କୁକୁର। ଏହି କୁକୁର କେତେବେଳେ ଘର ଜଗିଥାଏ ତ ଆଉ କେତେବେଳେ ମାଲିକର ଜୀବନ ବଞ୍ଚାଇଥାଏ। ଯେଉଁଥିପାଇଁ କୁକୁରର ଉପରେ ତାର ମାଲିକ ସମ୍ପୂର୍ଣ୍ଣ ଭରଷା କରିଥାଏ ।ଏବେ ଏ ମାଲିକ କିନ୍ତୁ କୁକୁରକୁ ଘର ଜଗାଇ ନାହିଁ ବରଂ ଦୋକାନ ସମ୍ଭାଳିବାକୁ ଛାଡି ଦେଇଛି ।

ଏ କଥା ଶୁଣିବାକୁ ଟିକେ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଏପରି ଘଟଣା ଦେଖିବାକୁ ମିଳିଛି ଜାପାନର ହୋକିଡୋ ସପରେ। ଯେଉଁଠି ଏକ କୁକୁର ନିଜର ଛୋଟ ଦୋକାନଟିକୁ ସୁରୁଖୁରୁ ଚଳାଉଛି। ଏହି ଦୋକାନୀ କୁକୁର ନାଁ ହେଉଛି କେନ-କୁନ । କୁକୁରଟି ଦୋକାନ ସାମ୍ନାରେ ସର୍ବଦା ଛିଡା ହୋଇଥାଏ । ଏହାସହ ଲୋକମାନଙ୍କୁ ପାଖରୁ ଭିନ୍ନ ଢଙ୍ଗରେ ପଇସା ଆଦାୟ କରିଥାଏ।

ଦୋକାନଟି ଆଗରେ ଲେଖାଯାଇଛି, ମୁଁ ବ୍ୟକ୍ତି ନୁହେଁ ଗୋଟେ କୁକୁର, ଏଥିପାଇଁ ଆପଣଙ୍କୁ ପଇସା ମାଗି ପାରିବିନାହିଁ। ଏଥିପାଇଁ ଉକ୍ତ ଦୋକାନକୁ ଆସୁଥିବା ଗ୍ରାହକ ମାନେ ଜିନିଷ କିଣିବା ପରେ ସେଠାରେ ଥିବା ବକ୍ସରେ ପଇସା ରଖି ଚାଲିଯାଆନ୍ତି । ବର୍ତ୍ତମାନ ଏହି କୁକୁରର ଫଟୋ ସୋସିଆଲ ମିଡିଆରେ ବହୁମାତ୍ରାରେ ଭାଇରାଲ ହେବାରେ ଲାଗିଛି।

ସୂଚନା ଅନୁସାରେ, ଗୋଟିଏ ପଟେ ବହୁତ ସଂଖ୍ୟାରେ କୁକୁର ଗଳି କନ୍ଦିରେ ଘୁରି ବୁଲୁଥିବା ବେଳେ ଏହି କୁକୁରଟିର କାର୍ଯ୍ୟକୁ ସମସ୍ତେ ପ୍ରଶଂସାକରିଛନ୍ତି। ଦୋକାନ କାର୍ଯ୍ୟ ସରିବା ପରେ ମାଲିକଟି କୁକୁରଟିକୁ ଘରକୁ ନେଇକି ଯାଇଥାଏ।