ସୋପୋରରେ ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ଯବାନଙ୍କୁ ଶ୍ରଦ୍ଧାଞ୍ଜଳି

ସୋପୋରରେ ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ସିଆରପିଏଫ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ବୁଧବାର ସୋପୋରରେ ସିଆରପିଏଫ୍ ଉପରେ ଆତଙ୍କବାଦୀ ଗୁଳି ଚଳାଇଥିଲେ।

ଶ୍ରୀନଗର: ସୋପୋରରେ ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ସିଆରପିଏଫ ଯବାନଙ୍କୁ ଶ୍ରଦ୍ଧାଞ୍ଜଳି । ବୁଧବାର ସୋପୋରରେ ସିଆରପିଏଫ୍ ଉପରେ ଆତଙ୍କବାଦୀ ଗୁଳି ଚଳାଇଥିଲେ। ଏହି ଆକ୍ରମଣରେ ଜଣେ ସିଆରପିଏଫ ଯବାନ ଶହୀଦ ହୋଇଥିବାବେଳେ ସହ 3 ଯବାନ ଆହତ ହୋଇଛନ୍ତି । ଶହୀଦ ହୋଇଥିବା ଯବାନ ଦୀପଚନ୍ଦ ବର୍ମା । ସେ ରାଜସ୍ଥାନ ସିକରର ବାସିନ୍ଦା ଥିଲେ।

ଆତଙ୍କବାଦୀଙ୍କ ଗୁଳି ବିନିମୟରେ ଜଣେ ସାଧାରଣ ନାଗରିକ ମଧ୍ୟ ପ୍ରାଣ ହରାଇଥିଲେ । ଘଟଣାସ୍ଥଳରୁ ତାଙ୍କର 3 ବର୍ଷର ନାତିଙ୍କୁ ସୁରକ୍ଷା ବାହିନୀ ଉଦ୍ଧାର କରିଛନ୍ତି। ଏହି ଘଟଣାର ହୃଦୟ ବିଦାରକ ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଅଧିକାରୀଙ୍କ ଅନୁସାରେ 60 ବର୍ଷିୟ ବଶିର ଖାନ ଜୀବନ ବଞ୍ଚାଇବା ପାଇଁ ନିଜ କାରରୁ ବାହାରି ପଳାୟନ କରିବାକୁ ଚେଷ୍ଟା କରୁଥିବା ବେଳେ ଗୁଳି ବାଜି ପ୍ରାଣ ହରାଇଥିଲେ । ଏହାପରେ 3 ବର୍ଷର ନାତି ଜେଜେଙ୍କ ମୃତଦେହ ନିକଟରେ ବସି କାନ୍ଦିବାକୁ ଲାଗିଲା । ଯେତେବେଳେ ସିଆରପିଏଫ ଯବାନ ପିଲାଟିକୁ ତାଙ୍କ ଜେଜେବାପାଙ୍କ ମୃତଦେହ ନିକଟରେ କାନ୍ଦୁଥିବାର ଦେଖିଲେ, ସେମାନଙ୍କ ମଧ୍ୟରୁ ଜଣେ ଶିଶୁଟିକୁ ଉଦ୍ଧାର କରିବାକୁ ଆଗେଇ ଆସିଥିବାବେଳେ ତାଙ୍କ ସାଥୀମାନେ ତାଙ୍କୁ ସୁରକ୍ଷା ଯୋଗାଇବା ପାଇଁ କଭର୍ ଫାୟାରିଂ କରିଥିଲେ । ତେବେ ଶିଶୁକୁ ବଞ୍ଚାଇଥିବା ପୱନ କୁମାର ଚୌବେଙ୍କୁ ପ୍ରଶଂସା କରାଯାଉଛି।