ଚେନ୍ନାଇ: ତାମିଲନାଡ଼ୁ ମଦୁରାଇରେ ପୁଣିଥରେ ଦେଖିବାକୁ ମିଳିବ ଜାଲିକାଟ୍ଟୁ ଖେଳ। ତାମିଲନାଡୁ ସରକାର ଏହାକୁ ଆଇନସମ୍ମତ କରିବା ପରେ ଦୀର୍ଘ ଦୁଇବର୍ଷର ବ୍ୟବଧାନରେ ପରେ ମଦୁରାଇରେ ପ୍ରବଳ ଉତ୍ସାହର ସହ ଏହି ଖେଳର ଆୟୋଜନ କରାଯାଉଛି।
ଚଳିତ ବର୍ଷ ଜାନୁୟାରୀ 15 ତାରିଖରୁ 31 ପର୍ଯ୍ୟନ୍ତ ମଦୁରାଇରେ ଆୟୋଜିତ ହେବ ଜାଲିକାଟ୍ଟୁ। ପାଲାମେଡୁ ଏବଂ ଅଲଙ୍ଗାନାଲ୍ଲୁର ଜିଲ୍ଲାରେ ଆୟୋଜିତ ହେବ ପ୍ରତିଯୋଗିତା। ଶୁକ୍ରବାର ଏନେଇ ହୋଇଛି ଘୋଷଣା । ସ୍ବାସ୍ଥ୍ୟ ପରୀକ୍ଷା ପରେ ପ୍ରତିଯୋଗିତା ପାଇଁ ନିଜର ନାଁ ରେଜିଷ୍ଟର କରିପାରିବେ ପ୍ରତିଯୋଗୀ।
ଜାଲିକାଟ୍ଟୁରେ ବ୍ୟବହୃତ ଷଣ୍ଢଙ୍କୁ ମଧ୍ୟ ଉପଯୁକ୍ତ ତାଲିମ ଦେବାରେ ବ୍ୟସ୍ତ ଏହାର ମାଲିକ। ବର୍ଷ ବର୍ଷ ଧରି ଏମାନେ ଜାଲିକାଟ୍ଟୁ ଲାଗି ପ୍ରସ୍ତୁତ କରାଯାଇଥାଏ। ରାଜ୍ୟର ବିଭିନ୍ନ ଅଞ୍ଚଳରେ ଚଳିତ ବର୍ଷ ଜାଲିକାଟ୍ଟୁ ପ୍ରତିଯୋଗୀତାରେ 2 ହଜାର ଷଣ୍ଢ ଭାଗ ନେବେ।