ନୂଆଦିଲ୍ଲୀ: ଗତକାଲି ରାଜଧାନୀ ଦିଲ୍ଲୀରେ କୃଷକ ଆନ୍ଦୋଳନରେ ବ୍ୟାପକ ହିଂସା ହୋଇଥିବା ବେଳେ ଏହାକୁ ନେଇ ସିଧାସଳଖ ସରକାରଙ୍କୁ ଦାୟୀ କରିଛନ୍ତି ବରିଷ୍ଠ କଂଗ୍ରେସ ନେତା ଦିଗବିଜୟ ସିଂ । ଦିଗବିଜୟ କହିଛନ୍ତି ଯେ ଚାଷୀ ମାନେ ହିଂସା ପ୍ରିୟ ନୁହନ୍ତି । ଗତକାଲିର ଏହି ହିଂସା ପୂର୍ବ ପ୍ରାୟୋଜିତ ଓ କୃଷକ ମାନଙ୍କ ଆନ୍ଦୋଳନକୁ ବଦନାମ କରିବା ପାଇଁ ଏକ ସରକାରୀ ଷଡଯନ୍ତ୍ର ବୋଲି କହିଛନ୍ତି ଦିଗବିଜୟ ।
ସେ ଆହୁରି ମଧ୍ୟ କହିଛନ୍ତି ଗତକାଲି ହିଂସା ଆରମ୍ଭ କରିଥିବା 15 ଜଣ ହିଂସାକାରୀଙ୍କୁ କୃଷକ ମାନେ ପୋଲିସକୁ ହସ୍ତାନ୍ତର କରି ସାରିଛନ୍ତି । ସେମାନେ କୃଷକ ନୁହନ୍ତି ବରଂ ସେମାନଙ୍କ ପାଖରେ ସରକାରୀ ପରିଚୟ ପତ୍ର ଥିବା ଦେଖିବାକୁ ମିଳିଛି। ତେଣୁ ହିଂସା ପଛର ଷଡଯନ୍ତ୍ର ସ୍ପଷ୍ଟ ବାରି ହୋଇ ପଡୁଛି ବୋଲି କହିଛନ୍ତି ଦଦିଗବିଜୟ । କୃଷକଙ୍କ ଆନ୍ଦୋଳନକୁ ବଦନାମ ଓ ଭଣ୍ଡୁର କରିବା ପାଇଁ ଏହା ପୂର୍ବନିର୍ଦ୍ଧାରିତ ଷଡଯନ୍ତ୍ର ବୋଲି କହି ସେ ସିଧାସଳଖ ସରକାରକୁ ଘେରିଛନ୍ତି ।