ମୋଜାମ୍ବିକ: ଦକ୍ଷିଣ ଆଫ୍ରିକାର ଘୂର୍ଣ୍ଣିଝଡ ଇଡାଇ ପ୍ରଭାବିତ ମୋଜାମ୍ବକିରୁ ଭାରତୀୟ ନୌସେନା ପକ୍ଷରୁ 192 ଜଣଙ୍କୁ ଉଦ୍ଧାର କରାଯାଇଛି । ଆଇଏନଏସ ସୁଜାତା, ଆଇସିଜିଏସ ସାରଥୀ ଓ ଆଇଏନଏସ ଶାର୍ଦୁଲ ଆଦି ତିନୋଟି ଜାହାଜ ସହିତ ସ୍ଥାନୀୟ କର୍ତ୍ତୃପକ୍ଷ ଓ ମାପୁଟ ସ୍ଥିତ ଭାରତୀୟ ହାଇ କମିଶନଙ୍କ ସହାୟତାରେ ମାନବିକ ସହାୟତା ଦୁର୍ବିପାକ ରିଲିଫ କାର୍ଯ୍ୟ ଜାରି ରଖିଛି ।
ଭାରତୀୟ ନୌସେନା ଦ୍ବାରା ସ୍ଥାପିତ ମେଡିକାଲରେ 1381 ଲୋକଙ୍କୁ ମେଡିକାଲ କ୍ୟାମ୍ପରେ ସହାୟତା ପ୍ରଦାନ କରାଯାଉଛି ।
ଗତମାର୍ଚ୍ଚ 15 ତାରିଖରେ ପୂର୍ବ ଓ ଦକ୍ଷିଣ ଆଫ୍ରିକାରେ ଇଦାଇ ବାତ୍ୟା ଲ୍ୟାଣ୍ଡ ଫଲ କରିବା ପରେ ବହୁଧନ ଜୀବନ ସହ ପ୍ରବଳ କ୍ଷୟକ୍ଷତି ଘଟିଛି। ମୋଜାମ୍ବିକ, ଜିମ୍ବାୱେ ଓ ମାଲୱିରେ ଏହାର ପ୍ରଭାବ ଦେଖିବାକୁ ମିଳିଛି ।
ଏଥି ସହିତ ଭାରତୀୟ ଚେତକ ହେଲିକପ୍ଟର, ମୋଜାମ୍ବିକର ବିପର୍ଯ୍ୟୟ ମ୍ୟାନେଜମେଣ୍ଟ ଦ୍ବାରା ସ୍ଥାନୀୟ ଅଧିକାରୀଙ୍କ ସହିତ ଉଦ୍ଧାର କରିବା ସହ ବିପର୍ଯ୍ୟସ୍ଥ ଅଞ୍ଚଳ ଗୁଡିକରେ ରିଲିଫ ବଣ୍ଟନ କରୁଛି ।
ବାତ୍ୟା ଇଦାଇରେ ଫଶିରହିଥିବା ଲୋକଙ୍କୁ ଉଦ୍ଧାର କାର୍ଯ୍ୟରେ ଭାରତୀୟ ନୌସେନା ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଏଥିସହିତ ବାତ୍ୟା ପ୍ରଭାବିତ ଅନ୍ୟ ଦୁଇ ଦେଶ ମଧ୍ୟରେ ଜିମାୱେ ଓ ମାଲୱିକୁ ମଧ୍ୟ ସହାୟତା ପ୍ରଦାନ କରାଯାଇଛି । ବର୍ତ୍ତମାନ ପର୍ଯ୍ୟନ୍ତ ବାତ୍ୟାରେ 700ରୁ ଊର୍ଦ୍ଧ୍ବ ଜୀବନ ଗଲାଣି।