ନୂଆଦିଲ୍ଲୀ: ଗଣତନ୍ତ୍ର ଦିବସ ଅବସରରେ ଟ୍ରାକ୍ଟର ରାଲି କରି ଲାଲକିଲ୍ଲାରେ ହିଂସାକୁ ନେଇ ପ୍ରତିକ୍ରିୟା ରଖିଛନ୍ତି ଭାରତୀୟ କିଷାନ ୟୁନିଅନର ଜାତୀୟ ମୁଖପାତ୍ର ରାକେଶ ଟିକାୟତ । ସେ କହିଛନ୍ତି ଯେ ‘ଦୀପ ସିନ୍ଧୁ ଜଣେ ଶିଖ ନୁହଁନ୍ତି, ସେ ଜଣେ ବିଜେପି କର୍ମୀ। ପ୍ରଧାନମନ୍ତ୍ରୀଙ୍କ ସହ ତାଙ୍କର ଫଟୋ ରହିଛି’।
ସେ ଏହା ମଧ୍ୟ କହିଛନ୍ତି ଯେ, କୃଷକଙ୍କ ଆନ୍ଦୋଳନ ସେପରି ଚାଲିବ । କିଛି ଲୋକଙ୍କୁ ତୁରନ୍ତ ଏହି ସ୍ଥାନ ଛାଡିବାକୁ ପଡିବ । ଯେଉଁମାନେ ବ୍ୟାରିକେଡ୍ ଭାଙ୍ଗିଛନ୍ତି ସେମାନେ କେବେବି ଏହି ଆନ୍ଦୋଳନର ଅଂଶ ହେବେ ନାହିଁ । ଅନ୍ୟପକ୍ଷେ ଏକ ଭାଇରାଲ ଭିଡିଓରେ ରାକେଶ ଟିକାୟତ ତାଙ୍କ ସମର୍ଥକଙ୍କୁ ଲାଠି ସଜାଡି ରଖିବାକୁ କହିଛନ୍ତି । ଏନେଇ ସେ କହିଛନ୍ତି, ‘ ମୁଁ କହିଲି କି ନିଜ ଲାଠି ଆଣ । ଦୟାକରି ମତେ ଦେଖାନ୍ତୁ ବିନା ପତାକାରେ କୌଣସି ଲାଠି ଅଛି କି, ତେବେ ଯାଇଁ ମୁଁ ନିଜ ଭୁଲ୍ ମାନିବି’ ।
ବ୍ୟୁରୋ ରିପୋର୍ଟ, ଇଟିଭି ଭାରତ