ଦ୍ୱାରିକା ଉପକୂଳରେ ସନ୍ଦିଗ୍ଧ ଜାହାଜ ଅଟକ

ଗୁଜୁରାଟର ଦ୍ବାରିକା ଉପକୂଳରୁ ଇଣ୍ଡୋନେସିଆର ଏକ ସନ୍ଦିଗ୍ଧ ଜାହାଜକୁ ଅଟକ ରଖିଛି ଭାରତୀୟ ତଟରକ୍ଷା ବାହିନୀ (ଇଣ୍ଡିଆନ କୋଷ୍ଟ ଗାର୍ଡ)।

ଗାନ୍ଧୀନଗର: ଗୁଜୁରାଟର ଦ୍ବାରିକା ଉପକୂଳରେ ଇଣ୍ଡୋନେସିଆର ଏକ ସନ୍ଦିଗ୍ଧ ଜାହାଜକୁ ଅଟକ ରଖିଛି ଭାରତୀୟ ତଟରକ୍ଷା ବାହିନୀ (ଇଣ୍ଡିଆନ କୋଷ୍ଟ ଗାର୍ଡ) । ସେଠାରେ ଥିବା କ୍ରୁ ମେମ୍ବର ଇରାନର ଥିବାରୁ ଜାହାଜଟିକୁ ସନ୍ଦେହରେ ଅଟକ ରଖାଯାଇଥବା ଜଣା ପଡିଛି । ଜାହାଜଟି କ୍ୱେତ ଯାଉଥିଲା ବୋଲି ଜଣାପଡିଛି। ସେପଟେ ଘଟଣାର ତଦନ୍ତ ଜାରି ରହିଥିବା ସୂଚନା ମିଳିଛି ।

ତଟରକ୍ଷା ବାହିନୀ ଗୁଜୁରାଟର ଉପକୂଳବର୍ତ୍ତୀ ଅଞ୍ଚଳରେ ସକ୍ରିୟ ରହି ଅନେକ ସ୍ଥାନରେ ସର୍ଚ୍ଚ ଅପରେଶନ ଜାରି ରଖିଛି। ଗତ ମେ 21 ତାରିଖରେ ପାକିସ୍ତାନର ଏକ ମତ୍ସ୍ୟ ଡଙ୍ଗାକୁ ଅଟକ ରଖିଥିବା ବେଳେ ସେଠାରୁ 194 ପ୍ୟାକେଟର ହେରୋଇନ ଜବତ କରାଯାଇଥିଲା।