ନୂଆଦିଲ୍ଲୀ: ଭୂପୃଷ୍ଠରେ ବଡରୁ ବଡ ଟାର୍ଗେଟକୁ କ୍ଷଣକ ଭିତରେ ଧ୍ୱଂସ କରୁଥିବା ବ୍ରହ୍ମୋସ ମିସାଇଲର ପରୀକ୍ଷଣ ଆଗାମୀ ସପ୍ତାହରେ କରାଯିବ । ଏନେଇ ଭାରତୀୟ ବାୟୁସେନା ଓ ଡିଆରଡିଓ ପକ୍ଷରୁ ଦୁନିଆର ସବୁଠୁ ଦ୍ରୁତ ସୁପରସୋନିକ କ୍ରୁଜ ମିସାଇଲ ବ୍ରହ୍ମୋସର ପରୀକ୍ଷା ପାଇଁ ପ୍ରସ୍ତୁତି କରାଯାଉଛି ।
ଭାରତୀୟ ବାୟୁସେନାର ସୂଚନାନୁଯାୟୀ, ବ୍ରହ୍ମୋସର ପରୀକ୍ଷଣ କରିବା ନେଇ ଆମେ ସମସ୍ତ ଚେଷ୍ଟା ଚଳାଇଛୁ । ଏହି ମିସାଇଲ ଭୂ-ପୃଷ୍ଠରେ ଥିବା ନିଜ ଟାର୍ଗେଟକୁ ଏକ ଝଟକାରେ ଧ୍ବଂସ କରିଦେଇପାରିବ । ଏହା ସୀମା ନ ଲଙ୍ଘି ମଧ୍ୟ ବାଲାକୋଟ ଷ୍ଟ୍ରାଇକ ଭଳି କରିବ ଆକ୍ରମଣ । ଏହି ନୂଆ ବ୍ରହ୍ମୋସର ପରୀକ୍ଷଣ ଆସନ୍ତା ସପ୍ତାହରେ ଦକ୍ଷିଣ ଭାରତରେ କରାଯିବାର ଯୋଜନା ରହିଛି । ଏହି ନୂଆ ବ୍ରହ୍ମୋସ ସୁଖାେଇ ବିମାନକୁ ମଧ୍ୟ ମାତ ଦେବ ବୋଲି କୁହାଯାଇଛି ।