ରାୟପୁର: ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ଦିଲ୍ଲୀର ଏମ୍ସରେ ନିଧନ ହୋଇଛି । ମୃତ୍ୟୁ ବେଳକୁ ତାଙ୍କୁ 66 ବର୍ଷ ବୟସ ହୋଇଥିଲା । ବିଜେପିର ବରିଷ୍ଠ ନେତା ଜେଟଲୀ ଦିର୍ଘ ଦିନ ଧରି ଏମ୍ସରେ ଚିକିତ୍ସିତ ହେଉଥିଲେ ।ତେବେ ଆସନ୍ତୁ ଜାଣିବା ତାଙ୍କ ବିଷୟରେ କିଛି କଥା...
2003ରେ ଛତିଶଗଡରେ ଯେବେ ବିଜେପି ସରକାର ଗଠନ ହୋଇଥିଲା ସେତବେଳେ ଅରୁଣ ଜେଟଲୀଙ୍କର ଏକ ପ୍ରମୁଖ ଭୂମିକା ରହିଥିଲା । ବିଧାୟକଙ୍କୁ କିଣିବା ମାମଲାକୁ ସମ୍ଭାଳିବା ପାଇଁ ତତକାଳୀନ ଗୃହମନ୍ତ୍ରୀ ଲାଲକୃଷ୍ଣ ଆଡଭାନୀ କେନ୍ଦ୍ରରୁ ଜେଟଲୀଙ୍କୁ ଛତିଶଗଡ ପଠାଇଥିଲେ ।
ବିଜେପି ସରକାରକୁ ଭାଙ୍ଗିବାକୁ ପୂର୍ବତନ ସିଏମ ଅଜିତ ଯୋଗୀ ଓ ପି ଆର ଖୁଣ୍ଟେଙ୍କ କାରସାଦିକୁ ପଣ୍ଡ କରିଥିଲେ ଜେଟଲୀ । ଯେତବେଳେ ଆଦିବାସୀ ବିଧାୟକଙ୍କୁ ନିଜ ପଟକୁ ଟାଣିବା ପାଇଁ ବିଧାନସଭାରେ ସମ୍ୟକ ବଳପ୍ରଦର୍ଶନ କରିବାକୁ ପ୍ରୟାସ କରିଥିଲେ ଏହି ଖବର ଜାଣିବାପରେ ଲାଲକୃଷ୍ଣ ଆଡଭାନୀ ଜେଟଲୀଙ୍କୁ ଛତିଶଗଡ ପଠାଇଥିଲେ । ଏହି ପ୍ରସଙ୍ଗର ଖୁଲାସା ତତକାଳୀନ ଭାଜପା ନେତା ବିରେନ୍ଦ୍ର ପାଣ୍ଡେ କରିଥିଲେ ।
ତେବେ ଏହି ସୂଚନା ପରେ ଆଡଭାନୀ ଜେଟଲୀଙ୍କୁ ଛତିଶଗଡ ପଠାଇଥିଲେ । ଆଉ ଜେଟଲୀ ବିଳମ୍ବିତ ରାତି ପର୍ଯ୍ୟନ୍ତ ପ୍ରେସ କନଫରେନ୍ସ କରି ପୁରା ଘଟଣାକୁ ସମ୍ଭାଳି ନେଇଥିଲେ । ଏହାପରେ ରାଜ୍ୟରେ ବିଜେପି ସରକାର ଗଠନ ହୋଇଥିଲା ଆଉ 15 ବର୍ଷ ପଯ୍ୟନ୍ତ ବିଜେପି ଶାସନ ଚାଲିଥିଲା ।
