'ଯଦି ଆମ ସରକାର ଭଲ କାମ କରିନି, ତେବେ ଅନ୍ୟକୁ ସୁଯୋଗ ଦେବାରେ କୌଣସି ଅସୁବିଧା ନାହିଁ'

ଯଦି ଆମ ସରକାର ଭଲ କାମ କରି ନାହିଁ, ତେବେ ଅନ୍ୟକୁ ସୁଯୋଗ ଦେବାରେ ଆମର କୌଣସି ଅସୁବିଧା ନାହିଁ ବୋଲି କହିଛନ୍ତି ସେ । ଏହାସହ ମତଦାତାଙ୍କୁ ଅପିଲ କରି ସେ କହିଛନ୍ତି ଯେ ସରକାରର ୫ ବର୍ଷର କାର୍ଯ୍ୟକୁ ଦେଖି ଭୋଟ ଦେବା ଉଚିତ ।

ମୁମ୍ବାଇ: ବିଜେପି ପୁଣିଥରେ କ୍ଷମତା ଫେରି ପାଇବ କି ନାହିଁ ତାହାକୁ ନେଇ ବଡ ମନ୍ତବ୍ୟ ଦେଇଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡକରୀ । ଯଦି ଆମ ସରକାର ଭଲ କାମ କରି ନାହିଁ, ତେବେ ଅନ୍ୟକୁ ସୁଯୋଗ ଦେବାରେ ଆମର କୌଣସି ଅସୁବିଧା ନାହିଁ ବୋଲି କହିଛନ୍ତି ସେ । ଏହାସହ ମତଦାତାଙ୍କୁ ଅପିଲ କରି ସେ କହିଛନ୍ତି ଯେ ସରକାରର ୫ ବର୍ଷର କାର୍ଯ୍ୟକୁ ଦେଖି ଭୋଟ ଦେବା ଉଚିତ ।

ଏଥର ସରକାର ପାଇଁ ପରୀକ୍ଷାର ସମୟ । କ୍ଷମତାରେ ଯେଉଁ ଦଳ ଥାଏ, ତାର କାର୍ଯ୍ୟ ଅନୁସାରେ ତାକୁ ଆକଳନ କରାଯାଇଥାଏ । ଯଦି ଜନତାକୁ ଲାଗୁଛି, ଆମ ସରକାର କାମ କରି ନାହିଁ। ତେବେ ଅନ୍ୟକୁ ସୁଯୋଗ ଦେବାକୁ ଉଚିତ । ମୋତେ ଲାଗୁଛି ରାଜନୀତି କେବଳ କ୍ଷମତା ହାସଲ କରିବା ପାଇଁ ହୋଇ ନଥାଏ ବରଂ ରାଜନୀତି ସମାଜ ପାଇଁ ହୋଇଥାଏ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।

ଅନ୍ୟପକ୍ଷେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣିଥରେ କ୍ଷମତାକୁ ଫେରିବା ପାଇଁ ଜୋରଦାର ପ୍ରୟାସରେ ଲାଗିଛନ୍ତି । ସେ ଦେଶସାରା ବିଭିନ୍ନ ନିର୍ବାଚନୀ ସଭାକୁ ସମ୍ବୋଧନ କରୁଛନ୍ତି । ଏହାସହ ନିଜକୁ ଦ୍ବିତୀୟ ଥର ପ୍ରଧାନମନ୍ତ୍ରୀ କରିବାକୁ ଲୋକଙ୍କୁ ଭୋଟ ମାଗୁଛନ୍ତି । ଏହାସହ ବିରୋଧୀଙ୍କ ଉପରେ ଜୋରଦାର ଶବ୍ଦ ବାଣ ଛାଡୁଛନ୍ତି ।