ହାଇଦ୍ରାବାଦ: ହାଇଦ୍ରାବାଦ ପୋଲିସ ଜଣେ ନକଲି ଏନଆଇଏ ଅଫିସରଙ୍କୁ ଗିରଫ କରିଛି । ଗିରଫ ହୋଇଥିବା ଅଭିଯୁକ୍ତ ଜଣକ ଜାତୀୟ ସୁରକ୍ଷା ସଂସ୍ଥାର ଅତିରିକ୍ତ ଆରକ୍ଷୀ ଅଧିକ୍ଷକ ବୋଲି ପରିଚୟ ଦେଉଥିବାବେଳେ ସେ ଜଣେ ପୂର୍ବତନ ସେନା ଅଧିକାରୀଙ୍କ ପୁଅ ବୋଲି ଜଣାପଡ଼ିଛି । ଗିରଫ ଅଭିଯୁକ୍ତ ଜଣକ ହାଇଦ୍ରାବାଦର ଓ୍ବାଇଏସଆର ଚୁଡ୍ଡାପ୍ପା ଜିଲ୍ଲା ବାସିନ୍ଦା କର୍ଣ୍ଣାଟି ଗୁରୁ ବିନୋଦ କୁମାର ରେଡ୍ଡୀ ବୋଲି ଜଣାପଡ଼ିଛି ।
ମିଳିଥିବା ସୂଚନା ମୁତାବକ, ଗିରଫ ବିନୋଦ କୁମାର ଜଣେ ପୋଲିସ ଅଫିସର ପରିଚୟ ଦେଇ ଅବସରପ୍ରାପ୍ତ ମେଜର ଜି. ଶ୍ରୀନିବାସ ରାଓଙ୍କ ସହିତ ବନ୍ଧୁତା ସ୍ଥାପନ କରିଥିଲେ । ମାତ୍ର ବିନୋଦଙ୍କ ବ୍ୟବହାର ଉପରେ ଶ୍ରୀନିବାସଙ୍କ ସନ୍ଦେହ ସୃଷ୍ଟି ହୋଇଥିଲା । ଏପରିକି ତାଙ୍କର କିଛି ସାମଗ୍ରୀ ଚୋରି ହୋଇଥିବା ନେଇ ସେ ସ୍ଥାନୀୟ ସମୀରପେଟ ଥାନାରେ ଏତଲା ଦେଇଥିଲେ ।