10 ଟଙ୍କାରେ ମିଳୁଛି ଶାଢୀ, ଜାଣନ୍ତୁ କେଉଁଠି ?

10 ଟଙ୍କାରେ ଟିଫନ ମିଳୁନି । ହେଲେ ଶାଢୀ ମିଳୁଛି । କଥାଟା ଅଜବ ଲାଗିଲେ ବି ସତ । ହାଇଦ୍ରାବାଦ ସିଦ୍ଦିପେଟର ଏକ ସପିଂ ମଲରେ 10 ଟଙ୍କାରେ ଶାଢୀ ମିଳୁଛି । ଯାହାକୁ ନେଇ ଗ୍ରାହକଙ୍କ ଭିଡ ଦେଖିବାକୁ ମିଳିଛି । ଯାହାର ଫାଇଦା ମଧ୍ୟ ଉଠାଉଛନ୍ତି ଚୋର ଓ ପକେଟମାର ।

ହାଇଦ୍ରାବାଦ: ଦୋକାନ ଆଗରେ ନାହିଁ ନଥିବା ଭିଡ । ହଜାର ହଜାର ଲୋକ ପରିବାର ନେଇ ଆସୁଛନ୍ତି । ତେବେ ଏହି ଭିଡ ଲାଗିଛି ଶାଢୀ ପାଇଁ, ମାତ୍ର 10 ଟଙ୍କାରେ ମିଳୁଛି ଦାମି ଶାଢୀ । ହାଇଦ୍ରାବାଦ ସିଦ୍ଦିପେଟର ଏକ ସପିଂ ମଲରେ ଦେଖିବାକୁ ମିଳିଛି ଏଭଳି ଦୃଶ୍ୟ । 10 ଟଙ୍କିଆ ଶାଢୀ ପାଇଁ ମଲରେ ।

ତେବେ ଏହି ଭିଡର ଫାଏଦା ଉଠାଉଛନ୍ତି ଚୋର ଓ ପକେଟମାର । ମହିଳାଙ୍କ ବେକରୁ ସୁନାଗହଣା ଓ ପୁରୁଷଙ୍କ ପକେଟ ଉପରେ ଏମାନଙ୍କ ଲକ୍ଷ୍ୟ । ମଲରେ ଏତେ ଭିଡ ଯେ ନିୟନ୍ତ୍ରଣ କରିବା ଅସମ୍ଭବ । ତେବେ ଏହି ଭିଡରେ ଜଣେ ମହିଳାଙ୍କର ସୁନା ଚେନ, ଡେବିଟ କାର୍ଡ ଏବଂ 6 ହଜାର ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି ।

ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପ୍ରବଳ ଭିଡ ଯୋଗୁଁ ଅନେକ ଗ୍ରାହକ ଏଥିରେ ଆହତ ହୋଇଥିବା ପୋଲିସ ସୂଚନା ଦେଇଛି ।