ହାଇଦ୍ରାବାଦ: 2014 ମସିହା ଆଜିର ଦିନରେ ଜନ୍ମ ହୋଇଥିଲା ତେଲେଙ୍ଗାନା । ଏହି ଅବସରରେ ଟ୍ବିଟ କରି ଶୁଭେଚ୍ଛା ଜଣାଇଲେ ରାଷ୍ଟ୍ରପତି, ଉପରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ଅନେକ ବିଶିଷ୍ଟ ବ୍ୟକ୍ତି ବିଶେଷ । ତେବେ ଆଜକୁ ତେଲେଙ୍ଗାନାକୁ ପୁରିଛି 5 ବର୍ଷ । ଏନେଇ ନୂଆବୋହୂ ପରି ସଜେଇ ହୋଇଛି ପୁରା ସହର । ରଙ୍ଗ ବେରଙ୍ଗ ଆଲୋକରେ ଝଲସୁଛି ସମଗ୍ର ତେଲେଙ୍ଗାନା ।
ସମସ୍ତ ଜିଲ୍ଲାରେ ପତାକା ଉତ୍ତୋଳନ ସହ ଏହି ଦିନକୁ ପାଳନ କରାଯିବା ସହ ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ ଏକ ସାଧାରଣ ସଭାରେ ଯୋଗ ଦେବେ । ଏହାସହ ମୁଖ୍ୟ ଶାସନ ସଚିବ ଏସ.କେ ଜୋଶୀ ଓ ଡିଜିପି ମହେନ୍ଦ୍ର ରେଡ୍ଡୀ ପ୍ରମୁଖ ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ଯୋଗ ଦେବେ ।
ଏନେଇ ମୁଖ୍ୟମନ୍ତ୍ରୀ ଏକ ଟ୍ବିଟ କରି ନିଜର ଖୁସି ଜାହିର କରିଛନ୍ତି । ଟ୍ବିଟରେ ତେଲେଙ୍ଗାନା ଅନ୍ୟ ରାଜ୍ୟ ପାଇଁ ଏକ ଉଦାହରଣ ବୋଲି କହିଛନ୍ତି । ଭାରତର ସର୍ବ କନିଷ୍ଠ ରାଜ୍ୟ ଭାବରେ ତେଲେଙ୍ଗାନାକୁ 5 ବର୍ଷ ପୁରିଛି ।
