ହାଇଦ୍ରାବାଦ: ଦେଶରେ ହଇଚଇ ସୃଷ୍ଟି କରିଥିବା ହାଇଦ୍ରାବାଦ ଗଣଦୁଷ୍କର୍ମ ଓ ହତ୍ୟା ଘଟଣାରେ ତେଲେଙ୍ଗାନା ପୋଲିସ ସମ୍ପୃକ୍ତ 4 ଅଭିଯୁକ୍ତଙ୍କୁ ଘଟଣାସ୍ଥଳରେ ସିନ ରି-କ୍ରିଏସନ ପାଇଁ ନେଇଥିବା ବେଳେ ଏନକାଉଣ୍ଟର କରିଥିଲା । ତେବେ ସେଠାରେ 4 ଅଭିଯୁକ୍ତଙ୍କ ମୃତ୍ୟୁ ଘଟିବା ପରେ ଦେଶରେ ବିଭିନ୍ନ ସ୍ଥାନରେ ଖୁସିର ମାହୋଲ ବି ଦେଖିବାକୁ ମିଳିଥିଲା । ମାତ୍ର ଅନେକ କ୍ଷେତ୍ରରେ ପୋଲିସର ଏପରି କାର୍ଯ୍ୟାନୁଷ୍ଠାନକୁ ନେଇ ପ୍ରଶ୍ନ ବି ଉଠାଯାଇଥିଲା ।
ଅନ୍ୟପଟେ ବୁଧବାର ଏହି ମାମଲାର ଶୁଣାଣି ସୁପ୍ରିମକୋର୍ଟରେ କରାଯିବ । ପ୍ରଧାନ ବିଚାରପତି ଏସ,ଏ ବୋବଡେ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରିବେ । ଖଣ୍ଡପୀଠରେ ଥିବା ଜଷ୍ଟିସ ଜି.ଏସ ମଣି ମାମଲାର ତ୍ବରିତ ଶୁଣାଣି କରିବା ସହ ଏନକାଉଣ୍ଟରରେ ସାମିଲ ଥିବା ପୋଲିସଙ୍କ ବିରୁଦ୍ଧରେ ସ୍ବତନ୍ତ୍ର ଯାଞ୍ଚ ପାଇଁ ଦାବି କରିଛନ୍ତି ।