ମୁମ୍ବାଇ: ଏସିଆର ସବୁଠାରୁ ବଡ ଜନବସ୍ତି ଧାରାବୀରେ ଧିରେ ଧିରେ କୋରୋନା ସ୍ଥିତି ସୁଧୁରୁଛି । ତେବେ କିପରି କୋରୋନ ମୁକାବିଲାରେ ଧାରାବୀ ମଡେଲ ସଫଳ ହେଲା, ତାହା ଏବେ ଚର୍ଚ୍ଚାରେ । କେବଳ କୋରୋନା ଭାଇରସ ସହ ଲଢିବା ପାଇଁ ସଂଗ୍ରାମ ନୁହେଁ ବରଂ ହାରି ଯାଇଥିବା ବାଜି ଜିତିବା ଶିଖେଇଛି ଧାରାବୀ । କୋରୋନା ହଟସ୍ପଟରେ ପରିଣତ ହୋଇଥିବା ଧାରାବୀ ବର୍ତ୍ତମାନ ଭୂତାଣୁର ଗତିକୁ ମନ୍ଥର କରିବାରେ ସଫଳ ହୋଇଛି ।
ଅଧିକାରୀମାନେ ଏଠାରେ ଏପ୍ରିଲରୁ ଅଭିଯାନ ଆରମ୍ଭ କରିଥିଲେ। ସେ 47 ହଜାର 500 ରୁ ଅଧିକ ଘରେ ତାପମାତ୍ରା ଓ ଅମ୍ଳଜାନ ସ୍ତର ଯାଞ୍ଚ କରିଥିଲେ। 7 ଲକ୍ଷ ଲୋକଙ୍କୁ ସ୍କ୍ରିନ କରାଯାଇଥିଲା ଓ କୋରୋନାର ଲକ୍ଷଣ ଚିହ୍ନଟ କରାଯାଇଥିଲା । ଏହାପରେ କୋରୋନା ଲକ୍ଷଣ ଜାଣିବା ପରେ ଲୋକଙ୍କୁ ନିକଟ ବିଦ୍ୟାଳୟ କିମ୍ବା ଖେଳ କ୍ଲବର କ୍ବାରେଣ୍ଟାଇନ ସେଣ୍ଟରକୁ ପଠାଯାଇଥିଲା । ମେ ମାସ ଆରମ୍ଭରୁ ଏଠାରେ ଏକ ତୃତୀୟାଂଶ ସଂକ୍ରମଣର ଦୈନିକ ହ୍ରାସ ଏଠାରେ ଦେଖାଯାଏ । ଏଥିସହ ଅଧାରୁ ଅଧିକ ରୋଗୀ ମାରାତ୍ମକ କୋରୋନାରେ ସୁସ୍ଥ ହୋଇଛନ୍ତି ।