ବିଜେପି ନେତାଙ୍କ ଦାଦାଗିରି, ଗାଡି ରୋକିବାରୁ ହୋମଗାର୍ଡଙ୍କୁ ମାରିଲେ ଚାପୁଡା !

ବିଜେପି ନେତା ସତିଶ ଖୋଡାଙ୍କ କାର ରେୱାଡିରୁ ରାସ୍ତାର ଭୁଲ ଦିଗରେ ଯାଉଥିଲେ । ଏହି ସମୟରେ ଜଣେ ହୋମଗାର୍ଡ ଗାଡି ରୋକିବାକୁ ପ୍ରୟାସ କରିଥିଲେ । କିନ୍ତୁ ଡ୍ରାଇଭର ଗାଡି ରଖିବା ବଦଳରେ ଏହା ଖୋଡାଙ୍କ କାର ବୋଲି ହୋମଗାର୍ଡଙ୍କୁ ଉତ୍ତର ଦେଇଥିଲା । ଏପରିକି ସତିଶ ଖୋଡା ହୋମଗାର୍ଡଙ୍କୁ ଚାପୁଡା ମାରିଥିବା ଅଭିଯୋଗ ହୋଇଛି ।

ଚଣ୍ଡିଗଡ: ହରିୟାଣାର ରେୱାଡିରେ ବିଜେପି ନେତାଙ୍କ ଦବଙ୍ଗଗିରି । ରାସ୍ତାର ଭୁଲ ଦିଗରେ ଯାଉଥିଲା ନେତାଙ୍କ ଗାଡି । ଯାହାକୁ ବିରୋଧ କରିଥିଲେ ଜଣେ ହୋମଗାର୍ଡ । ତେବେ ହୋମଗାର୍ଡ ଜଣକ ନେତାଙ୍କ କାର ରୋକିବାକୁ ପ୍ରୟାସ କରିବାରୁ ଗାଡି ରଖିବା ବଦଳରେ ତାଙ୍କୁ ଘୋଷାରି ନେଇଥିଲେ ନେତାଙ୍କ ଡ୍ରାଇଭର ।

ଘଟଣାଟି ରବିବାରର । ବିଜେପି ନେତା ସତିଶ ଖୋଡାଙ୍କ କାର ରେୱାଡିରୁ ରାସ୍ତାର ଭୁଲ ଦିଗରେ ଯାଉଥିଲେ । ଏହି ସମୟରେ ଜଣେ ହୋମଗାର୍ଡ ଗାଡି ରୋକିବାର ପ୍ରୟାସ କରିଥିଲେ । କିନ୍ତୁ ଡ୍ରାଇଭର ଗାଡି ରଖିବା ବଦଳରେ ଏହା ଖୋଡାଙ୍କ କାର ବୋଲି ହୋମଗାର୍ଡଙ୍କୁ ଉତ୍ତର ଦେଇଥିଲା । ଏହା ପରେ ଡ୍ରାଇଭର ହୋମଗାର୍ଡକୁ ଅନେକ ଦୂର ପର୍ଯ୍ୟନ୍ତ କାରରେ ଘୋଷାରି ନେଇଥିଲେ । ତେବେ ସତିଶ ଖୋଡା ତାଙ୍କୁ ଚାପୁଡା ମଧ୍ୟ ମାରିଥିବା ଅଭିଯୋଗ କରିଛନ୍ତି ହୋମଗାର୍ଡ ।

ସେପଟେ ପୋଲିସ ଘଟଣାର ତଦନ୍ତ କରୁଥିବା ଜଣା ପଡିଛି । ଆଇନକୁ ହାତକୁ ନେବାର ଅଧିକାର କାହାକୁ ଦିଆଯାଇନାହିଁ । ତଦନ୍ତ ପରେ ଦୋଷୀକୁ ଦଣ୍ଡ ଦିଆଯିବ ବୋଲି ପୋଲିସ କହିଛି ।