ହାଇଦ୍ରାବାଦ: ଆପଣ ହିମାଳୟ ପର୍ବତମାଳାରେ ହିମ ମାନବ ରହିଥିବା ଶୁଣିଥିବେ । ଏମିତି ବି ଅନେକ ଲୋକ ଅଛନ୍ତି, ଯେଉଁମାନେ ହିମ ମାନବକୁ ଦେଖିବାର ମଧ୍ୟ ଦାବି କରନ୍ତି । ତଥାପି ଆଜି ପର୍ଯ୍ୟନ୍ତ ହିମମାନବ ରହିଥିବା ନେଇ କୌଣସି ପ୍ରମାଣ ମିଳି ନାହିଁ । କିନ୍ତୁ ହିମାଳୟ ଶିଖରରେ ହିମ ମାନବ ଥିବା ନେଇ ଦାବି କରିଛି ଭାରତୀୟ ସେନା ।
ଏନେଇ ସେନା ପକ୍ଷରୁ ହିମମାନବ ଥିବା ନେଇ କିଛି ଫଟୋ ଟ୍ବିଟରରେ ସେୟାର କରାଯାଇଛି । ଏହି ଫଟୋରେ ବରଫରେ ବଡ ବଡ ପାଦ ଚିହ୍ନ ଥିବା ଦେଖିବାକୁ ମିଳିଛି । ଏହି ଚିହ୍ନକୁ ହିମମାନବର ପାଦ ଚିହ୍ନ ବୋଲି ସେନା ଦାବି କରିଛି ।